Ուղեցույց

Ի՞նչ պետք  է իմանալ Երևանի մասին նախքան այցելելը:

Այստեղ շենքերը կառուցված են վարդագույնի տարբեր երանգներով բնականորեն գունավորված հրաբխային լեռնային ապարներից, ինչը դրական մթնոլորտ է ստեղծում:   Դրան գումարվում է Երևանի  աշխույժ գիշերային կյանքը՝ մինչև կեսգիշերն անց բաց փաբերով, սրճարաններով և ռեստորաններով: 

Որո՞նք են այցելուների համար երեք անելիքները՝ համոզվելու, որ տեսել են լավագույնը քաղաքում եղած ժամանակ:

  1. Բարձրացիր Կասկադի գագաթը և տես Երևանի համայնապատկերը:
  2. Գնումներ կատարիր տեղական շուկայում՝ Վերնիսաժում: Վերնիսաժում կարելի է գտնել հայկական ժողովրդական արվեստի, եզակի զարդեղենի, արհեստավորների բացառիկ ձեռագործ գլուխգործոցների լավագույն օրինակներ: Այցելիր «Տաշիր սթրիթ» առևտրի կենտրոնի Վերնիսաժի տաղավար և տար քեզ հետ Հայաստանի մի մասնիկը:
  3. Այցելիր Մատենադարան՝ Հայաստանի ավանդական պատմությանը ավելի լավ ծանոթանալու համար: Ուսումնասիրիր հնագույն գրքերի և ձեռագրերի աշխարհի ամենահարուստ գանձարաններից մեկը՝ Մատենադարանի Հնագույն Ձեռագրերի Թանգարանը: Հիմնադրված 1959 թվականին մի փոքր բլրի ստորոտում՝ արխիվը տեղավորում է գիտական և մշակութային թեմաների լայն տիրույթ ընգրկող ստեղծագործությունների հսկայական ժողովածու՝ ներառյալ արվեստ, պատմություն, փիլիսոփայություն, աշխարհագրություն, բժշկություն, գրականություն, լեզուներ և տիեզերագրություն: 

Կա՞ արդյոք այնպիսի փորձ, որի մասին միայն տեղացիները գիտեն, և որն այցելուներին կտա Երևանի մասին հայաստանցու իրական կերպարը:

Մենք հպարտանում են աշխարհում հատնի մեր կոնյակով, որը Ուինսթոն Չերչիլի սիրելին էր: Ինչպես ասվում է պատմության մեջ, վարչապետը ըմբոշխնեց Արարատ կոնյակը, երբ 1945 թվականի փետրվարին Յալթայի կոնֆերանսի ժամանակ Ստալինը մատուցեց այն: Երկրորդ համաշխարհային պատերազմից հետո սովետական առաջնորդը կազմակերպեց, որ ամեն տարի Չերչիլին ուղարկվեր 400 շիշ: Կարելի է այցելել Երևանի կոնյակի գործարանի թանգարան, տեսնել՝ ինչպես է կոնյակը պատրաստվում և համտեսել տարբեր տեսակներ:

 

Որտե՞ ղ են տեղացիներն ուտում և խմում:

Ուտելիքը մեծ դեր է խաղում մեր մշակույթում, և ահա մեր սիրելի վայրերից մի քանիսը այցելելու համար:  Դոլմամա ռեստորան. վերականգնել է հայկական ավանդական խոհանոցը և տոլմայի (սովորաբար, աղացած միս՝ խառնած բրնձի, խոտաբույսերի և համեմունքների հետ, փաթաթված խաղողի տերևներով) կենտրոնները: Սակայն, Դոլմաման փոփոխել է բաղադրատոմսը՝ փոխարինելով աղացած միսը սուկիի կտորով և ավելացնելով չիլի և խնկունի:

Մալխաս Ջազ ակումբ. Երևանում ամենալավ ջազը լսելու համար այցելիր այս մթնոլորտային ակումբը և օգտվիր մենյուից, որ ներառում է սթեյք և խոզի կոտլետներ: Բաց մի թող նաև կոկտեյլի և սիգարի հիասքանչ մենյուն:

Ակումբ. այս նրբագեղ վայրը մատուցում է հայկական և միջազգային սնունդ՝ ֆրանսիական շնչով: Փորձիր սթեյքը տաք քարի վրա, իսկ աղանդերի համար գնա թեյարան՝ ճաշակելու նմանը չունեցող crème brûlée: Ակումբը նաև մի փոքր մշակութային  հաբ է Երևանում՝ սրճարանով, համերգների սրահով և   գրքեր, ամսագրեր ու ֆիլմեր վաճառող շուկայով:

Գրանդ Հոթել Երևան հյուրանոց, Ռոսսինի ռեստորանի հայկական և իտալական խոհանոց և նախադեպը չունեցող ճաշ: 

Որտե՞ղ է լավագույն գնումների վայրը քաղաքում, և որո՞նք են տուն տանելու համար լավագույն հուշանվերները:  

Գնա Վերնիսաժի արվեստի շուկա  ՝ ձեռագործ հուշանվերներ գնելու համար: Այստեղ հնարավոր է գտնել ձեռքի աշխատանքների լայն ընտրանի՝ սկսած փայտե քանդակներից ու հայկական տարբեր պատկերներով նկարներից մինչև հայկական գորգից պատրաստված պայուսակներ: Նաև, Հայաստանը հարուստ է առևտրի կենտրոններով, ինչպես օրինակ Դալմա Գարդեն Մոլը և Երևան Մոլը, որտեղ հնարավոր է գտնել եվրոպական բոլոր հայտնի բրենդային խանութները:

Ո՞րն է Ձեր սիրած ոչ այնքան հայտնի թանգարանը կամ հետաքրքիր վայրը քաղաքում/երկրում:

Հայաստանը հետաքրքիր պատմական ուղիների ու պահերի է ականատես եղել: Այն հայտնի է որպես առաջին քրիստոնյա երկիր, որը մ.թ.ա. 301 թվականին ընդունեց քրիստոնեությունը՝ որպես պետական կրոն: Այսպիսով, 4-րդ դարից եկած եկեղեցիները ցրված են ամբողջ Հայաստանով: Հենց քաղաքի կենտրոնում գտնվում է մի հետաքրքրաշարժ շինություն՝ Սուրբ Գրիգոր Լուսավորիչ եկեղեցին, որն օծվել է 2001 թվականին և խորհրդանշում է 1700-ամյակը:

 

Մեկ այլ տեսարժան վայր է Երևանի Նոյ կոնյակի-գինու գործարանը, որը հետաքրքիր պատմություն ունի: Մի ժամանակ այն եղել է Երևանի բերդ, որը կառուցել էր պարսիկ Ֆարհադ փաշան 16-րդ դարում: Պարսիկ խաները օգտագործում էին բերդը՝ որպես մշակութային կենտրոն և ընտանեկան վայր: Բերդի շուրջ կառուցվել էին մզկիթներ: Այս ամբողջ տարածքը զբաղեցնում էր քաղաքի կեսը: Բազում լեգենդներ, պատմություններ ու իրադարձություններ են կապում բերդի հետ: Սակայն, 1858 թվականի երկրաշարժը այն ավերակների վերածեց, իսկ ավելի ուշ՝ 1865 թվականին, առաջին գիլդիայի վաճառական Ներսես Թաիրյանցը գնեց այն:

Ներսես Թաիրյանցը հայտնի վաճառական և բարերար էր: 1877 թվականին նա սկսեց գինու արդյունաբերական արտադրությունը, իսկ 1887 թվականին՝ կոնայկի արտադրությունը նախկին Երևանի բերդի տարածքում: Գործարանում կա որմնաքանդակ, որ վերցված է Այվազովսկու նկարից, ով Ներսես Թաիրյանցի զարմիկն էր: Այս որմնաքանդակը նվիրված է Գրիբոյեդովի «Խելքից պատուհաս» կատակերգությանը: 1827 թվականին նա այցելեց Երևանի բերդ և առաջին անգամ խաղաց իր կատակերգությունը այս պատերի հետևում:

Այցելիր գիշերը, երբ այն առավել գեղեցիկ տեսք ունի և լուսավորվում է լուսարձակների լույսից: 

Ի՞նչ մոտակա վայրեր կամ տարածքներ պետք է ուսումնասիրել Երևանում՝ կենցաղի մասին պատկերացում ունենալու համար:

Անշուշտ Կասկադ համալիրը՝ քաղաքի ամենահայտնի վայրը: Այն հսկայական սանդուղք է, որ կապում է քաղաքի կենտրոնը Հաղթանակի զբոսայգու և Մոնումենտի մոտակայքի հետ:

Ուսումնասիրիր սրահները, գավիթներն ու բացօթյա պարտեզները: Արժե այցելել Հրազդանի կիրճ, իսկ միևնույն ժամանակ Փարաջանովի թանգարանից բացվում է հիանալի տեսարան դեպի բիբլիական Արարատ լեռը: 

Ի՞նչ անել քաղաքում կատարյալ կիրակի անցկացնելու համար:

Երևանում կիրակին ավելի հանգիստ է. աղմկոտ շաբաթ օրվանից հետո այն կատարյալ ժամանակ է Հայաստանի շուրջ ճամփորդելու համար: Կարելի է մեկ օրով մեկնել Դիլիջան՝ Տավուշի մարզի սպա քաղաք: Այն գտնվում է Դիլիջանի ազգային պարկում և լի է անտառածածկ հովիտներով, լեռներով և ալպիական մարգագետիններով, ինչի համար էլ այն հաճախ կոչում են «հայկական Շվեյցարիա» կամ «փոքրիկ Շվեյցարիա»:

Այստեղ դու կգտնես ավանդական հայկական ճարտարապետություն և արվեստագետների, կոմպոզիտորների և ռեժիսորների տներ:

Եթե նախընտրում ես պասիվ հանգիստ, Ստեփանավանը իր հարուստ բնությամբ կլինի քեզ համար լավ ընտրություն: Մեկ այլ լավ տարբերակ է Սևանա լճում արևային լոգանք ընդունելը, որը համարվում է Հայաստանի մարգարիտ: Ակտիվ հանգստի սիրահարներին խորհուրդ է տրվում այցելել Ծաղկաձոր, որն հայտնի է իր ճոպանուղով և լեռնադահուկային վայրերով, կամ այցելել Տաթևի թևեր՝ աշխարհի ամենաերկար ճոպանուղին:

Երևանյան փոխադրամիջոցները.

Երևանն ունի մեկ ուղիով երթևեկող մետրո, ավտոբուսներ, տրոլեյբուսներ և  երթուղայիններ (նաև՝ մարշրուտկա): Համընդհանուր քարտային համակարգ չկա, որը կարող է օգտագործվել տարբեր տրանսպորտային միջոցների համար: Մետրոն ունի քարտային համակարգ, բայց այն չի կարող օգտագործվել ավտոբուսների, տրոլեյբուսների կամ մարշուտկաների համար: Քաղաքն աշխատում է հասարակական տրանսպորտի համակարգի բարելավման ուղղությամբ այնպես, որ այն շուտով կփոխվի: Մետրոն ուսանողների սիրելին է, և դու իսկապես կսիրես այն: Բոլոր կայարաններն ունեն անվճար wifi-ի հնարավորություն և բջջային ծածկույթ: Ամռան շոգ ամիսներին այնտեղ զով է, իսկ ձմռանը՝ տաք:

Ավտոբուսը երկրորդ ամենալավ տարբերակն է: Կա «Երևանի երթուղիներ» կոչվող հավելված (ոչ պաշտոնական), որն ունի անգլերեն տարբերակ և երթուղիների բավականին ամբողջական փաթեթ: A2B Transport հավելվածը (կարելի է գտնել play store-ում և i-store-ում) նույնպես շատ օգտակար կլինի: Հավելվածը ներառում է բոլոր հասարական տրանսպորտային միջոցների (ավտոբուսներ, մարշուտկաներ, տրոլեյբուսներ) ամբողջական ցուցակներն ու Երևանի կանգառները:

Հնարավոր են զգալի ուշացումներ երեկոյան ժամը 10-11-ից հետո, իսկ գիշերը՝ ոչ մի ծառայություն: Տաքսին (ggTaxi և Yandex taxi) ամենալավ և ամենաապահով տրանսպորտային միջոցն է կեսգիշերն անց: Տաքսիները Հայաստանում իսկապես էժան են համեմատած շատ այլ երկրների: Երևանի ներսում տիպիկ շրջագայությունները կարժենան մոտավերապես 2 դոլար, իսկ եթե ուղևորվում եք քաղաքի ամենահեռավոր վայրը կամ գնում եք կենտրոն, արժեքը երբեք չի գերազանցում 5 դոլարը: