Ծառայություններ
ԸՆԹԵՐՑԱՍՐԱՀ
Գրքերը ընթերցասրահում տեղադրված են՝ ըստ մատենագիտական բաժինների, իսկ բաժիններում` ըստ այբբենական կարգի: Բաց դարակներում ներկայացվում են պարբերականներ և օտարալեզու գեղարվեստական գրականություն: Այստեղ դուք կարող եք ծանոթանալ համալսարանում պաշտպանած լավագույն մագիստրոսական թեզերին և թեկնածուական ատենախոսություններին:
Հիշե՛ք, միայն ընթերցասրահում կարելի է օգտվել` մեկ օրինակ գրքերից, հանրագիտարաններից, բառարաններից:
ՍՊԱՍԱՐԿՄԱՆ ԲԱԺԻՆ
ԲՊՀ գրադարանում գրանցված բոլոր ընթերցողները ստանում են էլեկտրոնային քարտ և կարող են օգտվել գրադարանի կողմից տրամադրվող բոլոր ծառայություններից: Թույլատրվում է վերցնել մինչև 12 գիրք:
Գեղարվեստական գրականությունը տրվում է 2 շաբաթ, իսկ դասագրքերը՝ 1 կիսամյակ կամ 1 տարի ժամկետով: Սպասարկման բաժնում առկա գրականությունը հնարավոր է պատվիրել ԱՌՑԱՆՑ:
Ընթերցողը պարտավոր է խնամքով օգտագործել գրադարանի գրքերը և գույքը: Արգելվում է գրքի մեջ նշում կատարել, էջ պոկել կամ ծալել: Գիրքը կորցնելու կամ վնասելու դեպքում ընթերցողը պարտավոր է փոխհատուցել ըստ գրադարանում գործող կանոնակարգի: Յուրաքանչյուր ուսումնական տարվա վերջում ուսանողը պարտավոր է հանձնել իր մոտ եղած գրականությունը: Գրադարանի կանոնները խախտելու դեպքում, ընթերցողը զրկվում է գրադարանից օգտվելու հնարավորությունից:
ԷԼԵԿՏՐՈՆԱՅԻՆ ՏԵՂԵԿԱՏՎՈՒԹՅԱՆ ԲԱԺԻՆ
Էլեկտրոնային տվյալների շտեմարաններ
ԲՊՀ գրադարանը անդամակցում է Հայաստանի էլեկտրոնային գրադարանների ասոցացիային (eLCA) https://armenia.eifl.net/ և միացված է թվային գրադարանների ցանցին, որը հնարավորություն է տալիս օգտվելու գիտական շտեմարաններից: Տվյալ շտեմարանները բաց մատչելիության չեն. դրանցից հնարավոր է օգտվել միայն ԲՊՀ համակարգիչներից: Սրահում հնարավոր է նաև օգտվել էլեկտրոնային գրքերի լայն ցանկից:
Համակարգչային սրահում մասնագետի կողմից Ձեզ կցուցաբերվի օժանդակություն և խորհրդատվություն:
Գրադարանում պարբերաբար կազմակերպվում են էլ. ռեսուրսներից օգտվելու դասընթացներ:
ՄՇԱԿՄԱՆ ԵՎ ՀԱՄԱԼՐՄԱՆ ԲԱԺԻՆ
Գրադարանի կողմից ձեռք բերված արտասահմանյան և Հայաստանում տպագրված նոր գրքերը գրանցվում են գրադարանի էլեկտրոնային քարտարանում: Քարտարանը հիմնված է KOHA համակարգի վրա, որն ունի որոնման հնարավորություն անգլերեն, ռուսերեն և հայերեն լեզուներով:
Կայքի հասցեն` https://koha.brusov.am/
ԱՎՍՏՐԻԱԿԱՆ ԳՐԱԴԱՐԱՆ
Ավստրիական գրադարանում առկա է լեզվաբանության, փիլիսոփայության, հոգեբանության, Ավստրիայի պատմության, երկրագիտության, արվեստի, երաժշտության և ճարտարապետության մասին գրականություն՝ գերմաներեն լեզվով, ինչպես նաև ավստրիական թերթեր, ամսագրեր և շուրջ 300 ֆիլմերով հագեցած տեսադարան: Ավստրիական գրադարանում իրականացվում են միջոցառումներ Ավստրիայի արտաքին գործերի նախարարության, մշակույթի վարչության հետ:
Գրադարանի ամբողջ տարածքում գործում է անլար համացանց:
Աշխատանքային ժամեր՝
Երկուշաբթի - ուրբաթ` 09:00 - 18:00
Շաբաթ և կիրակի՝ ոչ աշխատանքային
ՈՒՇԱԴՐՈՒԹՅՈՒՆ՝ ԲՊՀ գիտական գրադարանը փակ է Հայաստանի Հանրապետության պետական տոների օրերին:
Մեզ կարող եք գտնել`
Facebook
Instagram
Youtube
