Միջոցառումներ 2022
Բրյուսովյան գիտական կենտրոնի և Մոսկվայի Արծաթե դարի թանգարանի համատեղ միջոցառում
Փետրվարի 22-ին Վ․ Բրյուսովի թանգարանում տեղի ունեցավ Վ․Բրյուսովի անվան համալսարանի Բրյուսովյան գիտական կենտրոնի և Մոսկվայի Արծաթե դարի թանգարանի /Վալերի Բրյուսովի Տուն/ համատեղ միջոցառումը։ Միջոցառումն անցկացվեց գրքասերներին միավորող նշանակալից իրադարձության՝ Գիրք նվիրելու օրվա շրջանակներում։ Մասնակիցները շրջայց կատարեցին Վ․ Բրյուսովի թանգարան, որից հետո տեսակապի միջոցով ծանոթացան Մոսկվայի Արծաթե դարի թանգարանի հետ։ Ներկաներին ողջունեցին Մոսկվայի Արծաթե դարի թանգարանի վարիչ Միխայիլ Շապոշնիկովը և առաջատար գիտաշխատող Մոնիկա Օրլովան, որոնք ներկայացրեցին Մոսկվայի Վ․ Բրյոսւովի Տան հավաքածուները։
Շրջայցին մասնակցեցին Վ․Բրյուսովի անվան համալսարանի ուսանողները և դասախոսները, ինչպես նաև Երևանի Լեոյի անվան թիվ 65 ավագ դպրոցի աշակերտները և ուսուցիչները։
«Վալերի Բրյուսովն արվեստի և ռուս գրականության դասականների մասին» խորագրով միջոցառում Բրյուսովյան գիտական կենտրոնում
Հունիսի 7-ին Վ․ Բրյուսովի անվան պետական համալսարանի Բրյուսովյան գիտական կենտրոնում, Երևանում Ռուսաստանի գիտության և մշակույթի կենտրոնի հետ համագործակցության, ինչպես նաև Հայաստանում ռուսաց լեզվի շաբաթվա շրջանակներում, որը նվիրված է Ա․ Պուշկինի 223-ամյակին, տեղի ունեցավ «Վալերի Բրյուսովն արվեստի և ռուս գրականության դասականների մասին» խորագրով միջոցառում։ Միջոցառմանը մասնակցեցին Երևանի պետական հումանիտար քոլեջի ուսանողները և դասախոսները, ինչպես նաև՝ ռուսերեն, ֆրանսերեն և գերմաներեն լեզուների ամբիոնի վարիչ Նաիրա Միքայելյանը, Ռուսաստանի գիտության և մշակույթի կենտրոնի գիտակրթական ծրագրերի բաժնի ղեկավարի տեղակալ Սոնա Սարաջյանը և Կենտրոնի ներկայացուցիչները։
Միջոցառման մասնակիցներն այցելեցին նաև Վ․ Բրյուսովի թանգարան, Բրյուսովյան գիտական կենտրոն և Վ․ Բրյուսովի անվան պետական համալսարանի պատմության թանգարան։
Միջոցառման ավարտին Ս․ Սարաջյանը Ռուսաստանի գիտության և մշակույթի կենտրոնի շնորհակալագրերը հանձնեց Վ․ Բրյուսովի անվան համալսարանին, ինչպես նաև համալսարանի գրադարանի տնօրեն Լ․ Սաֆարյանին և գրադարանի գիտական համակարգող Դ․ Սարաֆյանին ադյունավետ համագործակցության համար։
