2020 թվականի դեկտեմբերի 14-ին Վ․ Բրյուսովի անվան պետական համալսարանում կայացավ համալսարանի հիմնադրման 85-ամյակին և Վ․ Բրյուսովի ծննդյան 147-ամյակին նվիրված աշխատաժողով։

Ներկաներին ողջունեցին բ․գ․դ․, պրոֆեսոր, Վ․ Բրյուսովի անվան պետական համալսարանի համաշխարհային գրականության և մշակույթի ամբիոնի վարիչ Ն․Մ․ Խաչատրյանը և Վ․ Բրյուսովի անվան պետական համալսարանի գրադարանի և Բրյուսովյան գիտական կենտրոնի ղեկավար Լ․Ա․ Սաֆարյանը։ 

Աշխատաժողովի բովանդակային ուղղվածությունները հետևյալն էին՝

1. ՀԱՅԱՍՏԱՆԸ՝ Վ. ԲՐՅՈՒՍՈՎԻ ՍՏԵՂԾԱԳՈՐԾԱԿԱՆ ՀԱՅԵՑԱԿԱՐԳՈՒՄ։ Զեկուցող՝ Վ․ Բրյուսովի անվան պետական համալսարանի համաշխարհային գրականության և մշակույթի ամբիոնի դոցենտ, բ․գ․թ․ Ի․Կ․ Պողոսյան։
2. Վ. ԲՐՅՈՒՍՈՎԻ ՊՈԵԶԻԱՆ ԱՐԾԱԹԵ ԴԱՐԱՇՐՋԱՆԻ ԱՆՎԱՆԻ ԿՈՄՊՈԶԻՏՈՐՆԵՐԻ ԵՐԱԺՇՏՈՒԹՅԱՆ ՄԵՋ։ Զեկուցող՝ բ․գ․թ․ Դ․Ռ․ Սարաֆյան։
3. «Հայաստանի պոեզիան»՝ ազգային գրականության անթոլոգիայի չափանիշ։ Զեկուցող՝ ՀՀ Ազգային գրադարանի տնօրեն, Վ․ Բրյուսովի անվան պետական համալսարանի համաշխարհային գրականության և մշակույթի ամբիոնի դոցենտ, բ․գ․թ․ Ա․Հ․ Չուլյան։
4. ԱՆՏԻԿ ՀԱՅԵՑԱԿԱՐԳԸ Վ. ԲՐՅՈՒՍՈՎԻ ՍՏԵՂԾԱԳՈՐԾՈՒԹՅՈՒՆՆԵՐՈՒՄ։ Զեկուցող՝ Վ․ Բրյուսովի անվան պետական համալսարանի համաշխարհային գրականության և մշակույթի ամբիոնի վարիչ, բ․գ․դ․, պրոֆեսոր Ն․Մ․ Խաչատրյան։

Միջոցառմանը մասնակցեցին Վ․ Բրյուսովի անվան պետական համալսարանի, Խ․ Աբովյանի անվան Հայկական պետական մանկավարժական համալսարանի, Հայ-Ռուսական /Սլավոնական/ համալսարանի  ուսանողներ, դասախոսներ և այլոք։  

Աշխատաժողովին մասնակցեցին նաև Երևանում Ռուսաստանի գիտության և մշակույթի կենտրոնի ներկայացուցիչներ Ս․Բ․ Սամուելյանը և Ս․Հ․ Հարությունյանը։ 

Մեր հյուրերը կատարեցին շրջայց Վ. Բրյուսովի թանգարան, Բրյուսովյան գիտական կենտրոն և Վ. Բրյուսովի անվան պետական համալսարանի պատմության թանգարան, ինչպես նաև ծանոթացան «Բրյուսովյան ընթերցումների պատմություն» ցուցահանդեսին:

Միջոցառման ավարտին բոլոր մասնակիցներին հանձնվեցին սերտիֆիկատներ։

Միջոցառման կազմակերպիչներ՝ Վ․ Բրյուսովի անվան պետական համալսարան, Բրյուսովյան գիտական կենտրոն, գրադարանի ղեկավար Լ․Ա․ Սաֆարյան։