ՍՄԱՐԹ ձեռնարկատիրական կենտրոն

Վ. Բրյուսովի անվան պետական համալսարանի “SMART Caffe” ձեռնարկատիրական կենտրոնը հրավիրում է բոլոր մոտիվացված և հետաքրքրված ուսանողներին ու շրջանավարտներին դառնալ ձեռնարկատիրական կենտրոնի անդամ, միանալ ՍՄԱՐԹ թիմին, դիմել և դառնալ ձեռնարկատեր:

ԲՊՀ-ի “SMART Caffe” ձեռնարկատիրական կենտրոնին կարող են միանալ նրանք, ովքեր ցանկանում են գեներացնել հետաքրքիր և տարբերվող գաղափարներ, առկա գաղափարը վերափոխել բիզնեսի, միանալ մոտիվացված թիմերի: Կենտրոնի թիրախային խմբերն են այն սկսնակ ձեռնարկատերերը, ովքեր ունեն ստեղծագործական ներուժ, գաղափար, սակայն չունեն հմտություններ և ռեսուրսներ այդ ներուժը բիզնեսի վերափոխելու համար, ինչպես նաև հավելյալ աջակցության կարիք ունեն, կամ պարզապես ցանկանում են աշխատել ստեղծագործ միջավայրում:  

SMART Caffe-ը բաց կենտրոն է, որը ողջունում է ուսանողներին, շրջանավարտներին, պրոֆեսորադասախոսական և վարչական անձնակազմին:

“SMART Caffe” ձեռնարկատիրական կենտրոնն առաջարկում է համակարգչային և ծրագրային լիարժեք աջակցություն, դասընթացներ, մենթորություն, համագործակցային ցանցեր՝ առկա գաղափարները զարգացնելու համար: Կենտրոնը նաև ընդհանուր առմամբ զարգացնում է ուսումնառողների կրթական փորձը, ինչպես նաև նախապատրաստում է վերջիններիս աշխատանքային շուկայում մրցակցության և ակտիվ դերակատարության:

Բոլոր հետաքրքրված անձինք (ոչ ԲՊՀ ուսանող կամ շրջանավարտ) նույնպես կարող են միանալ SMART-ին: Պարտադիր նախապայման է թիմում ներգրավել առնվազն մեկ ԲՊՀ ուսանող կամ շրջանավարտ:

Բոլոր ստարտափերին “SMART Caffe” ձեռնարկատիրական կենտրոնն առաջարկում է՝

• պարբերաբար հանդիպումներ և դասընթացներ
• աշխատանքային տարածք,
• հանդիպումների տարածք,
• ժամանակակից հարմարություններ,
• դասախոսություններ ձեռնարկատերերի և փորձագետների կողմից,
• մենթորություն և քոուչինք,
• SMART CAFFES_CHANNEL վիրտուալ հարթակ՝ ընտրված շուկան հաղթելու համար,
• ֆինանսական հնարավոր ռեսուրսներ և աջակցություն,
• ուսանողների և շրջանավարտների համագործակցային ցանցեր,
• տրամադրող միջավայր,
• փորձառու թիմ,
• ընկերներ և սուրճ:

Հավելյալ տեղեկությունների և ընդգրկման գործընթացի համար կարող եք դիմել  

ԲՊՀ-ի “SMART Caffe” ձեռնարկատիրական կենտրոն