ԲՊՀ ՅՈՒՆԵՍԿՕ-ի քաղաքագիտության և փիլիսոփայության ամբիոնը գործում է 2001թ. սեպտեմբերի 1-ից, հիմնադրվել է ՅՈՒՆԵՍԿՕ-ի հետ:
Ամբիոնը տրամադրում է բակալավրական կրթություն «Քաղաքագիտություն» մասնագիտությամբ, մագիստրոսական կրթություն երեք քաղաքագիտական մասնագիտություններով`«Միջազգային հարաբերություններ», «Եվրոպագիտություն» և «Քաղաքագիտություն», ասպիրանտական կրթություն ԻԳ.00.02. «Քաղաքական ինստիտուտներ և գործընթացներ» և ԻԳ.00.04. «Միջազգային հարաբերություններ» թվանիշներով:
2014 թվականից հրատարակվում է «Հայկական քաղաքագիտական հանդեսը»: Հանդեսի խմբագրակազմում և հեղինակների մեջ զգալի թիվ են կազմում ամբիոնի պրոֆեսորադասախոսական կազմի անդամները, ինչպես նաև օտարերկրյա մասնագետները:
Ամբիոնում դասավանդում և հետազոտական աշխատանքով են զբաղվում քաղաքագիտության և փիլիսոփայության ոլորտի փորձառու մասնագետներ (գիտությունների դոկտորներ և թեկնածուներ), օտարերկրյա համալսարաններից հրավիրված դասախոսներ: Ամբիոնում օգտագործվող կրթական ծրագրերը լիովին համադրելի են արևմտյան բարձրակարգ կրթություն ապահովող համալսարանների ծրագրերի հետ: Ուստի, մեր ուսանողները որևէ դժվարություն չեն ունենում փոխանակման ծրագրերով այդ համալսարաններում ուսում ստանալիս:
«Եվրոպական ինտեգրումը և ԵՄ արժեքները. մարդու իրավունքներ, ժողովրդավարություն և իրավունքի գերակայություն» Ժան Մոնե մոդուլ 2016 - 2019
Ամբիոնի նպատակը՝
▪ Ապահովել բարձրակարգ կրթություն եռաստիճան ուսուցման մակարդակում,
▪ Կազմակերպել և խթանել ամբիոնի ինչպես պրոֆեսորադասախոսական կազմի, այնպես էլ հայցորդների և ասպիրանտների ակտիվ գիտահետազոտական աշխատանքը,
▪ Առաջին երկու նպատակների արդյունավետ իրականացման համար զարգացնել կապերը օտարերկրյա լավագույն համալսարանների հետ, ապահովել երիտասարդ մասնագետների շարժունակությունը։
Ամբիոնի առաքելությունը՝
▪ Նպաստել ՀՀ-ում կրթական համակարգի արմատական բարեփոխումների գործընթացին՝ քաղաքագիտության ոլորտում մշակելով և կիրառելով մրցունակ, միջազգային չափանիշներին համապատասխանող կրթական ծրագրեր,
▪ Իրականացնել ժամանակակից քաղաքագիտական հիմնախնդիրների լուծմանը նվիրված բարձրակարգ գիտական հետազոտություններ՝ ապահովելով միջազգային ճանաչում ունեցող գիտական և գիտակրթական հաստատությունների արդյունքների հետ համադրելիությունը։
Ամբիոնի գործառույթը՝
▪ Ձևավորել քաղաքագիտական գիտակրթական համալիր, որի առաջարկած եռաստիճան ուսուցման կրթական ծրագրերը և գիտական գործունության արդյունքը համադրելի կլինեն եվրոպական և ամերիկյան լավագույն համալսարանների կրթական ծրագրերի և գիտական արդյունքի հետ:
Ամբիոնի պրոֆեսորադասախոսական կազմ
1. Յարալյան Կարինե Էդիկի – փիլիսոփայական գիտությունների թեկնածու, դոցենտ
2. Հակոբյան Գևորգ Գեղամի - փիլիսոփայական գիտությունների թեկնածու, դոցենտ
3. Դավթյան Վահե Սամվելի - քաղաքական գիտությունների դոկտոր, պրոֆեսոր
4. Պողոսյան Լուսինե Վալերիի - ավագ դասախոս
5. Պետրոսյան Մարգարիտ Աշոտի - քաղաքական գիտությունների թեկնածու, դոցենտ
6. Պետրոսյան Արմեն Համլետի - պատմական գիտությունների թեկնածու, ավագ դասախոս
7. Հարությունյան Արմեն Ռուբիկի- քաղաքական գիտությունների դոկտոր, դոցենտ
8. Մուղնեցյան Տիգրան Արմանի - քաղաքական գիտությունների թեկնածու, ավագ դասախոս
9. Ասլանյան Վարդան Սամվելի - փիլիսոփայական գիտությունների թեկնածու, ավագ դասախոս
10. Միքայելյան Մերի Արարատի - փիլիսոփայական գիտությունների թեկնածու, ավագ դասախոս
11. Առաքելյան Վահե Գրիգորի – բանասիրական գիտությունների թեկնածու, ավագ դասախոս
12. Առաքելյան Գրիգոր Խաչատուրի – պատմական գիտությունների թեկնածու, ավագ դասախոս
13. Գրիգորյան Նարեկ Հրանտի– քաղաքական գիտությունների թեկնածու, դոցենտ
14. Օրդուխանյան Էմիլ Հրաչյայի – քաղաքական գիտությունների թեկնածու, դոցենտ
15. Բաբաջանյան Լևոն Գառնիկի – փիլիսոփայական գիտությունների թեկնածու, դոցենտ
16. Մարգարյան Անիկ Անաստասի – դասախոս
17. Միրզաբեկյան Գեորգի Ալեքսանդրի – պատմական գիտությունների թեկնածու, ավագ դասախոս
Կարապետյան Իրինա Ռուբենի - ՅՈՒՆԵՍԿՕ-ի քաղաքագիտության և փիլիսոփայության ամբիոնի լաբորանտ
