Ուսանողների կարծիքները
Ուսանողները մեծ սեր և հարգանք են ձևավորել Քեթլինի հանդեպ․ շատերը նրա հետ դարձել են լավ ընկերներ, և ավարտից հետո էլ շարունակում են կապ պահպանել։ Դասընթացների մասին նրանք ասում են․
«Ինձ շատ դուր եկավ դասընթացների վարման մեթոդները, քանի որ դրանք ձանձրալի չէին՝ մեծամասամբ գրքայինից դուրս և անմիջական։ Դասընթացի ավարտին ես բարելավեցի անգլերենի իմացությունս, ձեռք բերեցի նոր բառապաշար, վստահություն անգլերենով խոսելիս և սկսեցի չվախենալ սխալներից, քանի որ հենց սխալներն են, որ կերտում են նոր գիտելիքներ։ Բացի այդ, տարբեր թեմաների շուրջ խոսելը օգնեց ավելի հստակ նկատել մշակութային տարբերություններն ու աշխարհայացքները»։
Նրանք նշում են, որ Քեթլինը ոչ միայն դասախոս էր, այլև մոտիվացնող անձնավորություն, որը միշտ աջակցում էր, խրախուսում և քաջալերում․
- դասերը հետաքրքիր էին և կենդանի,
- խումբը դարձել էր մի ընտանիք,
- յուրաքանչյուր ուսանող զգում էր, որ կարող է խոսել անգլերենից առանց վախի,
- լսարանում ձևավորվել էր դրական, վստահ և համագործակցային միջավայր։
Քեթլին Մոնարթիի աշխատանքը Բրյուսովի համալսարանում վկայում է այն մասին, որ կրթությունը միայն դասագիրք չէ․ այն մարդկային կապ է, մշակույթների կամուրջ և ինքնաճանաչման ճանապարհ։ Այս նախագիծը ոչ միայն բարելավեց ուսանողների լեզվի գիտելիքները, այլև ձևավորեց նրանց մտածելակերպը, ընդլայնեց աշխարհայացքը և օգնեց հավատալ իրենց ուժերին։
Նման կամավորական ծրագրերը ապացուցում են, որ կրթությունը կարող է թվալ փոքր քայլ, բայց իրականում՝ այն է, որ շարժում է լեռները։
ԲՊՀ Լրագրության 4-րդ կուրսի ուսանող Ստելա Ասրյան
ԲՊՀ Սերվիսի 3-րդ կուրսի ուսանող Նանա Խաչատրյան
