«Արդյո՞ք արհեստական բանականության դարաշրջանում դեռ անհրաժեշտ է սովորել կանոններ և բացառություններ» խորագրով հանդիպման ընթացքում մենք քննարկեցինք, թե ինչպես է արհեստական բանականությունը փոխում օտար լեզուների դասավանդումը։ Պրոֆեսոր Ֆունկը հստակ և հասկանալի ձևով ներկայացրեց, թե ինչու է արհեստական բանակնությունը նոր մարտահրավերներ առաջացնում լեզվական ճշգրտության աշխատանքում և ինչ հնարավորություններ է այն ստեղծում ուսուցման համար։ Միջոցառման ընթացքում քննարկվեց, թե ինչպես կարելի է առավել արդյունավետ աջակցել ուսանողներին գրավոր խոսքի և քերականության ուսուցման գործընթացում՝ ոչ թե ավելացնելով կանոնների քանակը, այլ կիրառելով իմաստակենտրոն և օրինակային աշխատանք, որը նույնպես կարող է օգտագործել արհեստական բանականության ներուժը։