Ողջույնի խոսքով հանդես եկավ ԲՊՀ Հունարենի և հունական մշակույթի կենտրոնի ղեկավար Մ. Գեորգիադին՝ ներկայացնելով տոնի խորհուրդը:
Միջոցառմանը մասնակցեցին Հունաստանից Հայաստան գործուղված դասախոսներ Կ. Սոտիրոպուլուն և Թ. Գուձելասը՝ ներկայացնելով պատմական իրադարձությունները և հույն ժողովրդի հերոսական դիմադրության պատմությունը։
Ողջույնի խոսքով հանդես եկավ նաև Ֆրանսերենի և ռոմանական բանասիրության ամբիոնի վարիչ Ժ. Մինասյանը՝ ներկայացնելով 1940֊45 թթ. պատերազմի տարիներին Հունաստանի հայկական համայնքի մասնակցությունը։
Միջոցառմանը ելույթ ունեցավ Ֆրանսերենի և ռոմանական ամբիոնի հունարենի դասախոս Մ. Լազարևան՝ ընդգծելով ազգային տոնի պատմական նշանակությունը և կարևորությունը ոչ միայն հույն ժողովրդի, այլ նաև ողջ աշխարհի համար: Ուսանողները համառոտ ներկայացրին պատմությունը և կարդացին հույն գրողների բանաստեղծություններ: Ցուցադրվեց փաստագրական ֆիլմ հունական հերոսական դիմադրության մասին։