Վ. Բրյուսովի անվան պետական համալսարանի ռեկտոր Դավիթ Գյուրջինյանը, շնորհավորելով բոլորին այս կարևոր իրադարձության առթիվ, նշեց․
«Կոմիտեի բացումը մեր համալսարանում ևս մեկ վկայությունն է Հայաստան–Իտալիա բարեկամական հարաբերությունների ամրապնդման։ Մենք համոզված ենք, որ այս համագործակցությունը կնպաստի իտալերենի ուսուցման ընդլայնմանը, ուսանողների մասնագիտական զարգացմանն ու մշակութային երկխոսության խորացմանը»։
ԿԳՄՍ նախարարի տեղակալ Արթուր Մարտիրոսյանը իր ողջույնի խոսքում կարևորեց նմանօրինակ կենտրոնի ստեղծումը հենց Բրյուսովի համալսարանում՝ որպես առաջատար լեզվաբանական բուհ, և ընդգծեց, որ «Դանթե Ալիգիերի» երևանյան կոմիտեի գրասենյակի գործունեությունը կնպաստի երկկողմ կրթամշակութային կապերի ամրապնդմանը։
Իտալիայի դեսպան Ալեսսանդրո Ֆերրանտին նշեց, որ Հայաստանի և Իտալիայի միջև կրթական և մշակութային համագործակցությունը ունի մեծ ներուժ: Նա շնորհակալություն հայտնեց ԲՊՀ-ին՝ նախաձեռնությանը մասնակցելու և իտալական մշակույթի տարածման գործում կատարած ներդրման համար։
Միջոցառման ավարտին ներկաները դիտեցին Հայֆիլմ կինոստուդիայի «Մենք ենք մեր սարերը» ֆիլմը՝ իտալերեն ենթագրերով, որը թարգմանել են ԲՊՀ Ֆրանսերենի և ռոմանական բանասիրության ամբիոնի իտալերենի մասնաբաժնի ուսանողները։
Վ. Բրյուսովի անվան պետական համալսարանը շարունակում է ընդլայնել իր միջազգային համագործակցությունը՝ զարգացնելով լեզվական, կրթական և մշակութային կապերը աշխարհի առաջատար հաստատությունների հետ։
