Ս.թ. նոյեմբերի 21-ից 25-ը Բրիտանական խորհրդի «Ստեղծարար միտք» ծրագրի շրջանակներում Միացյալ Թագավորության մի քանի բուհերում և նորարարական կենտրոններում իրականացվել է ուսուցողական այց, որին Վ. Բրյուսովի անվան համալսարանից մասնակցել է Արտաքին կապերի և միջազգային համագործակցության վարչության պետ Անի Հովահննիսյանը, ով հանդիսանում է ԲՊՀ «Ստեղծարար միտք» (Creative Spark) ծրագրի համակարգողը: Ի դեպ, ԲՊՀ-ն ծրագրի գործընկեր միակ բուհն է Հայաստանի Հանրապետությունից, որն ընտրվել էր ուսուցողական այցի համար:
«Ստեղծարար միտք» ծրագիրը ԲՊՀ-ում իրականացվել է 2019թ.-ից ԲՊՀ-ի և Միացյալ Թագավորության Էսեքսի և Չեյնջսքուլ համալսարանների հետ ձևավորված արդյունավետ գործընկերության շնորհիվ: Ծրագրի նպատակն է խթանել ձեռնարկատիրական կրթությունը և զարգացնել ստեղծարար հմտությունները:
Միացյալ Թագավորության Լեսթեր, Բիրմինգհեմ, Լոֆբորոու, Դերբի քաղաքներ կատարած այցի շրջանակներում հանդիպումներ և քննարկումներ են տեղի ունեցել բուհերի, նորարարական և ձեռնարկատիրական կենտրոնների ներկայացուցիչների հետ:
