ԲՊՀ-ում 2019թ․-ից իրականացվել է Բրիտանական խորհրդի ձեռնարկատիրական կրթության և ստեղծարար ոլորտի զարգացմանն ուղղված «Ստեղծարար միտք» (Creative Spark) ծրագիրը, որը հաջողությամբ շարունակվել է 4 տարի ԲՊՀ-ի և Միացյալ Թագավորության Էսեքսի և Չեյնջսքուլ համալսարանների հետ ձևավորված արդյունավետ գործընկերության շնորհիվ:
Ծրագրի 5-րդ տարում, որի հիմնական նպատան է գործընկերների հետ սերտ համագործակցության խթանումը և փորձի փոխանակումը, ԲՊՀ-ի կողմից ներկայացված դիմում-հայտը ևս բավարարվել է:
«Ստեղծարար միտք» ծրագրի չորսամյա ձեռքբերումները նպաստել են ԲՊՀ-ի կարողությունների զարգացմանը. մասնավորապես, ծրագրի շրջանակներում ԲՊՀ և ՀՀ գործընկեր բուհերի դասախոսներ և շուրջ 1000 ուսանող զարգացրել են իրենց ստեղծարար ձեռնարկատիրական հմտությունները և կարողությունները՝ մասնակցելով վերապատրաստման դասընթացների, բութքեմփերի, առցանց սեմինարների և միջոցառումների: Ավելին, ԲՊՀ-ում մշակվել և ներդրվել է «Ձեռնարկատիրական հմտություններ» կամընտրական դասընթացը:
