Գիտական սեմինարը վարում էր Անգլերենի թարգմանության ամբիոնի ավագ դասախոս, բ.գ.թ. Հայկ Համբարձումյանը։ Նա գիտական հոդվածի օրինակի միջոցով ներկայացրեց գիտական աշխատանք գրելու ընթացքը՝ սկսած գաղափարներ ունենալուց, վերջացրած հետազոտության արդյունքներով։ Բանախոսը ներկայացրեց, թե ինչ կարողություններ և որակներ պետք է ունենալ գիտական գործունեություն ծավալելու համար։ Անդրադարձ կատարվեց նաև գիտական աշխատանքների առանձնահատկություններին՝ մասնավորապես կենտրոնանալով միջգիտակարգայնության վրա։ Իրական օրինակների միջոցով քննարկվեց տարբեր գիտակարգերը (թարգմանաբանություն, իմաստաբանություն, կորպուսային լեզվաբանություն, գործաբանություն և այլն) մեկ աշխատանքում մեկտեղելու և դրանից նոր գիտելիք ստանալու արվեստը։

Սեմինարի ավարտին բանախոսը պատասխանեց ներկաների հարցերին՝ ևս մեկ անգամ ընդգծելով միջգիտակարգայնության դերը գիտահետազոտական աշխատանքներում։