Ուսանողները խոսեցին Չինաստանի կյանքի, չինացիների բարքերի և ավանդույթների մասին, ներկայացրին չինական կրթական համակարգի առանձնահատկությունները։ Տեղեկատվական հանդիպման ընթացքում Արևելյան լեզուների ամբիոնի դոցենտ Լիլիթ Հակոբյանը հանգամանալից ներկայացրեց Պեկինի լեզվի և մշակույթի համալսարանի կրթաթոշակային ծրագրերը և դրանց դիմելու ընթացակարգերը, այնուհետև ամբիոնի ավագ դասախոս Դավիթ Գրիցենկոն խոսեց ՉԺՀ Կրթության նախարարության Լեզվի կրթության և համագործակցության կենտրոնի կրթաթոշակային ծրագրերին դիմելու ընթացակարգի մասին՝ մատնանշելով կարևոր դրույթները։ Հանդիպմանը ներկա էին Արևելյան լեզուների դասախոսներ և չինարեն ուսումնասիրող ուսանողներ: