Հայտարարվում է լավագույն ուսանող ամենամյա մրցանակաբաշխության թեկնածուների առաջադրման մեկնարկը
Սիրելի՛ ուսանողներ
Մեկնարկել է «Լավագույն ուսանող» ամենամյա մրցույթը։
Մրցույթին կարող են մասնակցել բոլոր այն ուսանողները, որոնք ունեն բարձր առաջադիմություն (3,6 և ավելի բարձր ՄՈԳ) և ակտիվորեն ներգրավված են՝
- հետազոտական աշխատանքներում,
- ներհամալսարանական կյանքում,
- արտահամալսարանական միջոցառումներում (մշակութային, մարզական, արվեստի և այլ ոլորտներ):
Հավակնորդները մինչև ս.թ. հոկտեմբերի 14-ը Վ. Բրյուսովի անվան պետական համալսարանի Ընդհանուր բաժին են ներկայացնում դիմում և հետևյալ փաստաթղթերը:
- մասնակցության հայտ՝ համաձայն Հայաստանի Հանրապետության կառավարության 2013 թվականի օգոստոսի 29-ի N 1005-Ն որոշման N 3 հավելվածի,
- քաղվածք ՄՈԳ-ի մասին,
- քաղվածք ֆակուլտետի խորհրդի նիստի արձանագրությունից,
- առաջադիմության թերթիկ,
- բնութագիր
- դեկանի և պրոռեկտորի ստորագրությամբ հրապարակումների ցուցակ կամ ստեղծագործական, մարզական մրցույթներին, օլիմպիադաներին մասնակցելու մասին փաստաթղթեր:
