Էրազմուս + Միջազգային կրեդիտային շարժունության գործողության շրջանակներում Վ. Բրյուսովի անվան պետական համալսարանի և Բուլղարիայի «Նեոֆիտ Ռիլսկի» Հարավ-Արևմտյան համալսարանի միջև կնքված պայմանագրով նախատեսվում է շարժունություն և դասավանդման հնարավորություն ԲՊՀ–ի պրոֆեսորադասախոսական անձնակազմի համար 1 շաբաթ տևողությամբ՝ 2025-2026 ուս. տարվա ընթացիկ կիսամյակի ընթացքում:

Ծրագիրը տրամադրում է կրթաթոշակ, ինչպես նաև հոգում է ճանապարհածախսը:

Ծրագրի դիմումները ընդունվում են ԲՊՀ Կարիերայի կենտրոնում թղթային և էլեկտրոնային տարբերակով՝ ուղարկելով annie.hovsepyan@gmail.com էլ. հասցեին (վերնագրում նշելով ICM SWU, Bulgaria)  (Կարիերայի կենտրոնի և Շրջանավարտների միավորման մասնաշենք, 5-րդ հարկ, սենյակ 5/1): Միայն թղթային կամ միայն էլեկտրոնային տարբերակը չի ընդունվում:

Ստորև ներկացվում է անհրաժեշտ փաստաթղթերի ցանկը պրոֆեսորադասախոսական անձնակազմի համար: Փաստաթղթերը ներկայացվում են ԱՆԳԼԵՐԵՆ:

• Անձնագիր,
• Ինքնակենսագրական (CV) Europass ձևաչափով՝

https://europass.cedefop.europa.eu/ (անգլերենով),

• Աշխատանքային պլան (նկարագիր, շարժունության նպատակները, ակնկալվող գործողությունները և այլն) (անգլերենով),
• Տեղեկանք ԲՊՀ-ում աշխատելու վերաբերյալ (հայերենով),
• Մոտիվացիոն նամակ (անգլերենով):

Առաջարկվող դասավանդման ոլորտներն ու ուղղություններն են.

• Թարգմանություն,
• Լեզվաբանություն,
• Շարահյուսություն, բառարանագիտություն և բառարանագրություն,
• Միջմշակութային հաղորդակցություն,
• Հնչյունաբանություն:

Դիմումների ընդունման վերջնաժամկետն է ՆՈՅԵՄԲԵՐԻ 13, 2025 թ.:

Հարցերի և տեղեկությունների համար կարող եք դիմել ԲՊՀ Կարիերայի կենտրոն (Կարիերայի կենտրոնի և Շրջանավարտների միավորման մասնաշենք, 5-րդ հարկ, սենյակ 5/1), հեռախոս՝ 010 522 020 (ներքին 291), էլ. հասցե annie.hovsepyan@gmail.com: