Էրազմուս+ միջազգային կրեդիտային շարժունության ծրագրի հնարավորություն Իսպանիայի Ալմերիայի համալսարանում
Սիրելի ուսանողներ, եթե ուսումնասիրում եք անգլերեն կամ իսպաներեն և երազում եք մի քանի ամիս ապրել և սովորել Իսպանիայում, օգտվեք այս հնարավորությունից, բացահայտեք նոր մշակույթներ և ընդլայնեք ձեր հորիզոնները:
· Էրազմուս + միջազգային կրեդիտային շարժունության ծրագրի շրջանակներում Վ. Բրյուսովի անվան պետական համալսարանի և Իսպանիայի Ալմերիայի համալսարանի միջև կնքված պայմանագրով նախատեսվում է ուսումնառության հնարավորություն ԲՊՀ-ի բակալավրիատի 2-րդ, 3-րդ կուրսերի անգլերեն կամ իսպաներեն ուսումնառող ուսանողների համար՝
2025-2026 ուստարվա երկրորդ կիսամյակի ընթացքում:
Ծրագիրը տրամադրում է անհատական կրթաթոշակ և հոգում է ճանապարհածախսը:
Ալմերիայի համալսարանի այլ մանրամասներ կարող եք իմանալ պաշտոնական կայքէջում՝ https://www.ual.es/en:
Ծրագրին դիմելու պահանջներ
- Անգլերենի կամ իսպաներենի իմացության մակարդակ` առնվազն B1
Դիմելու համար անհրաժեշտ փաստաթղթեր
- Անձնագրի/ID պատճեն
- Ինքնակենսագրական (CV), (հայերեն կամ անգլերեն)
- Մոտիվացիոն նամակ, (հայերեն կամ անգլերեն)
- Ամբողջ ուսումնառության առաջադիմության թերթիկ /ՄՈԳ, (հայերեն)
- Անգլերենի կամ իսպաներենի իմացությունը հաստատող B1 մակարդակի վկայական՝ ցանկալի է միջազգայնորեն հաստատված (անգլերեն) դրա բացակայության դեպքում` դասախոսի կողմից ստորագրված տեղեկանք, որտեղ նշված կլինի ուսանողի լեզվի իմացության համապատասխան մակարդակն ըստ լեզուների իմացության համաեվրոպական համակարգի (CEFR)
Դիմումների ընդունման վերջնաժամկետ.
2025թ. դեկտեմբերի 1-ը ներառյալ:
Դիմելու ընթացակարգ
Ծրագրի դիմումները պետք է ներկայացվեն բացառապես էլեկտրոնային տարբերակով՝ PDF ձևաչափով: Որևէ այլ ձևաչափով ուղարկված դիմումները չեն դիտարկվելու: Ձեր հայտերը ուղարկեք ԲՊՀ Արտաքին կապերի և միջազգային համագործակցության բաժնի էլ. հասցեին՝ intrelbrusov@gmail.com, իսկ նամակի «subject» դաշտում նշեք «Ալմերիայի համալսարան»:
Շարժունության ներքին կարգին ծանոթանալու համար կարող եք անցնել հետևյալ հղումով՝
https://brusov.am/website/documentation/files/5edfdc9e.pdf
Շարժունության ծրագրի վերաբերյալ հավելյալ տեղեկություններ կարող եք ստանալ այս հղումով՝ https://erasmusplus.am/credit-mobility/#STUDENTS-Studying-abroad
Գնահատման չափանիշներն են՝
| |
SCORE |
| AVERAGE GPA |
1-10 |
| LANGUAGE SKILLS |
|
| B2 |
1.5 |
| C1 |
2 |
| NO PREVIOUS ERASMUS MOBILITIES |
5 |
| TOTAL |
17 |
Ընտրական հանձնաժողովի որոշման բողոքարկումը կատարվում է արդյունքները հայտարարելուց հետո 3 աշխատանքային օրվա ընթացքում: Բողոքարկման դիմումները պետք է ուղարկել intrelbrusov@gmail.com հասցեին:
Հարցերի համար
Սիրով սպասում ենք ձեզ ԲՊՀ Արտաքին կապերի և միջազգային համագործակցության բաժնում՝ I մասնաշենք, 1205 սենյակ, կամ զանգահարեք՝ +37410 522 020 (ներքին՝ 206, 207):
Ծանոթագրություն. Էրազմուս+ ծրագիրը ձգտում է ապահովել յուրաքանչյուր ուսանողի լիարժեք մասնակցության հնարավորություն՝ խթանելով կրթության հասանելիությունը, մատչելիությունը և ներառականությունը: Այս նպատակով Ալմերիայի հետ կնքած պայմանագրով կարող է նախատեսվել ամսական 250 եվրո լրացուցիչ դրամաշնորհ խոցելի
խմբերի համար. կրթության առանձնահատուկ պայմանների կարիք ունեցող ուսանողներ, միակողմանի և երկկողմանի ծնողազուրկ ուսանողներ, սոցիալապես խոցելի խմբի ուսանողներ, ինչպես նաև Արցախից (Լեռնային Ղարաբաղից) բռնի տեղահանված ընտանիքների ուսանողներ: Այս նախաձեռնությունը նպատակ ունի աջակցելու կյանքի եզակի և դժվարին հանգամանքներում հայտնված ուսանողներին:
Նշված ուսանողներին Հանձնաժողովի կողմից տրվում է հավելյալ 1 միավոր:
