Կրուասանի պատրաստման վարպետաց դաս և փոքրիկ մրցույթ ուսանողների ու աշակերտների միջև
Երևանի Վալերի Բրյուսովի անվան պետական լեզվահասարակագիտական համալսարանի Կարիերայի կենտրոնի ղեկավար Լևոն Բաբամյանն օրերս նախաձեռնել էր կրուասանի պատրաստման վարպետաց դաս, որին հրավիրված էին ԵՊԼՀ գործընկեր համար 16-րդ ավագ դպրոցի աշակերտները, ֆրանսիացի կամավորները և ԵՊԼՀ ուսանողները:
Վարպետաց դասն իրենից ներկայացնում էր փոքրիկ մրցույթ, որտեղ հաղթող կճանաչվեր ամենահամեղ և ախորժելի կրուասաններ պատրաստած խումբը: Կազմվեցին 4 խումբ, որոնցից երեքը ԵՊԼՀ ուսանողներն էին, իսկ մյուսը՝ դպրոցի աշակերտները: ֆրանսիացի կամավորների օգնությամբ գեղեցիկ կրուասաններ պատրաստողները ստանալու էին հաղթողի մրցանակ:
Մինչ կեփվեին կրուասանները, ժյուրիի անդամները հարցեր էին տալիս մրցույթի մասնակիցներին կրուասանի պատրաստման վերաբերյալ: Իսկ այդ ընթացքում Բրյուսովի բակում կազմակերպվել էր կիթառի, երգի, պարի և խաղերի փոքրիկ միջոցառումներ: Կիթառահար տղաներին ձայնակցում էին տաղանդաշատ աղջիկներ, մինչ Կարիերայի կենտրոնում պատրաստվում է ֆրանսիական կրուասանը:
Երբ գրեթե պատրաստ էր կրուասանը, յուրաքանչյուր խումբ իր համար ընտրեց ձևավորելու զարդարանքներ՝ նուտելլա, մուրաբա, քաղցր փաթիլներ և այլն: Ժյուրին չիմանալով, որ խումբը որ կրուասաններն է պատրաստել, ընտրեց ամենահամեղ և ամենագեղեցիկ պատրաստված կրուասանը: Բոլոր մասնակիցներին տրվեցին հավաստագրեր, իսկ առաջին տեղը զբաղեցրին 16-րդ ավագ դպրոցի աշակերտները:
