Ֆրանկոֆոն համալսարանական գործակալությունն (AUF) ու Ֆրանսիայի միջազգային ռադիոն (RFI) կազմակերպել էին «Երիտասարդ գրողների մրցանակաբաշխություն», որի շրջանակներում դեկտեմբերի 13-ին տեղական ժամանակով ժամը 13:30-ին Վ. Բրյուսովի անվան պետական լեզվահասարակագիտական համալսարանի Ֆրանկոֆոն հետազոտությունների միջհամալսարանական նվաճումների կենտրոնում տեղի ունեցավ առցանց դասընթաց՝ վեբինար, որի ընթացքում ուսանողները հնարավորոթյուն ունեցան հաղորդակից լինելու ժամանակակից ֆրանսիական գրավոր խոսքի հմտություններին: ՖՀՄԱՆ կենտրոնի ղեկավար Ժակլին Մինասյանը, կարևորելով դասընթացն ուսանողների համար, նշեց, որ ուսանողները բացառիկ հնարավորություն են ունենում լեզվակրի հետ հաղորդակցվելու: