Ամբիոնի դոցենտ Լ. Բաբայանը ներկայացրեց Վ. Ստեփանյանի հակիրճ կենսագրականը, նրա զբաղեցրած տարբեր պաշտոնները համալսարանում, ունեցած կոչումներն ու պատվոգրերը:
Ապա ռեկտորի ժ/պ Դ. Գյուրջինյանը կիսվեց ներկաների հետ Վ. Ստեփանյանի մասին վառ ու հետաքրքիր հուշերով՝ ընդգծելով նրա բացառիկ համեստ լինելը և հավելեց. «Շատ լավ է, որ մենք կարճ հիշողություն չունենք, և այդպես է լինում, որ ավանդույթները շարունակվում են: Մեր գործելակերպով մենք կփորձենք փոխանցել այսօրվա և գալիք սերունդներին այն լավագույն ավանդույթները, որ ձևավորլ է «Վ. Ստեփանյան և Ա. Բարլեզիզյան» ֆրանսագետների հրաշալի երկյակը: Հիշատակը վառ լինի, և շնորհակալություն ձեզ, հարգելի՛ գործընկերներ, որ և՛ ներկա եք, և՛ նախապատրաստել եք այս միջոցառումը»:
Գնահատանքի, երախտագիտության խոսքով ու ելույթներով հանդես եկան ՍԳՍ և ՌՕԼ ֆակուլտետների դեկաններ Դ. Ղազարյանը և Ն. Տատկալոն, Ռոմանական լեզուների ամբիոնի դոցենտ Ն. Մանուկյանը, Համաշխարհային գրականության և մշակույթի ամբիոնի վարիչ Ն. Խաչատրյանը, Լեզվաբանության և հաղորդակցման տեսության ամբիոնի դոկտոր, պրոֆեսոր Կ. Աբրահամյանը, Գերմաներենի ամբիոնի վարիչ Է. Ղազարյանը, դասախոսներ Հ. Հակոբջանյանը, Ս. Թորոսյանը, Ա. Եղիազարյանը և այլք:
Ավելի ուշ ֆրանսիական բաժնի ուսանողները դասախոս Լ. Բաբայանի ղեկավարությամբ բաց դաս անցկացրին՝ կատարելով Վ. Ստեփանյանի հեղինակած դասագրքից մի հետաքրքիր տեքստի վերլուծություն:
