Դեկտեմբերի 25-ին Երևանի Վ. Բրյուսովի անվան պետական լեզվահասարակագիտական համալսարանում տեղի ունեցավ Սուրբ Ծննդյան թեմատիկայով խաղ-միջոցառում, որի կազակերպիչը Ռոմանական լեզուների ամբիոնն էր: Տոնակատարությունն ուղեկցվեց ինտելեկտուալ-զվարճալի խաղով: Մի քանի փուլից բաղկացած խաղին մասնակցում էին ԵՊԼՀ-ի ֆրանկոֆոն ուսանողներից կազմված 3 թիմեր: Առաջին փուլում մասնակցիներն իրենց ուժերն էին չափում Սուրբ Ծննդյան և Ամանորի թեմատիկան արծարծող ինտելեկտուալ-ճանաչողական խաղում, որի ժամանակ մասնակիցները պետք է պատասխանեին հարցերին՝ ընտրելով առաջարկվող տարբերակներից ճիշտը: Երկրորդ փուլում տեսահարցեր էին, իսկ ահա մյուս փուլերն ունեին զվարճալի բնույթ՝  իրենց մեջ կրելով «3 օֆֆ»  խաղի տարրեր:

Հետաքրքիր և լարված պայքարի արդյունքում հաղթեց ֆրանսերեն երկրագիտություն բաժնի 3-րդ կուրսը ներկայացնող թիմը:

Շնորհավորում ենք խաղի հաղթողներին և բոլոր մասնակիցներին Սուրբ Ծննդյան այս գեղեցիկ տոնի մասնակիցը դառնալու համար: