Սաքսոնիա-Անհալթ երկրամասի պատվիրակության այցը ԵՊԼՀ

Գերմանիայի Սաքսոնիա-Անհալթ երկրամասի լանդթագի Քրիստոնեադեմոկրատական միություն խմբակցության պատգամավորները այս օրերին գտնվում են Հայաստանում և մի շարք հանդիպումներ ունենում ՀՀ Կառավարության անդամենրի հետ: Օգոստոսի 13-ին պատվիրակության անդամներ Գերմանիայի Սաքսոնիա-Անհալթ երկրամասի կառավարության մշակութային հարցերով պետքարտուղար Գունար Շելլենբերգերը, Լանդթագի դաշնային և եվրոպական հարցերով հանձնաժողովի նախագահ Դանիել Շտուրմը ՀՀ-ում Գերմանիայի դեսպանատան գործերի ժամանակավոր հավատարմատար, փոխդեսպան Քլաուս Վենդելբերգերի ուղեկցությամբ հյուրընկալվեցին Երևանի Վ. Բրյուսովի անվան պետական լեզվահասարակագիտական համալսարան:

Այցը ճանաչողական բնույթ էր կրում և կրթական ու մաշկութային բնույթի համագործակցության հնարավորություններ ակնկալում: Հյուրերին ողջունեց ԵՊԼՀ պրոռեկտոր Ն. Անտոնյանը, այնուհետև Թարգմանության և միջմշակութային հաղորդակցության ֆակուլտետի դեկան Հ. Ճանճապանյանը ներկայացրեց բուհի համառոտ նկարագիրը, կառուցվածքը, գերմաներենի ամբիոնի վարիչ է.Ղազարյանը ծանոթացրեց գերմաներեն լեզվի ուսումնառության ուղղությամբ տարվող աշխատանքները, իսկ Արտաքին կապերի և միջազգային համագործակցթյան վարչության պետի տեղակալ Լ. Մադոյանը ներկայացրեց բուհի համագործակցային կապերը, միջազգային ծրագրերը, գերմանական բուհերի հետ գործող համագործակցությունը: Պատվիրակության անդամները ԵՊԼՀ-ին նվիրաբերեցին Սաքսոնիա-Անհալթ երկրամասի վերաբերյալ գրքեր և տեղեկատվական նյութեր և ընդգծեցին պատրաստակամությունը հնարավոր համագործակցության համար: ԵՊԼՀ ավստրիական գրադարանի ղեկավար Լ. Սաֆարյան հյուրերի համար նաև շրջայց կազմակերպեց ավստրիական գրադարան՝ ծանոթացնելու առկա գերմանալեզու հարուստ գրականության հետ:

Սաքսոնիա-Անհալթ երկրամասի պատվիրակության այցը ԵՊԼՀ