2022 թ. ապրիլի 4-8-ը Բուլղարիայի Հանրապետության Սոֆիա քաղաքում և 2022 թ. մարտի 21-26-ը Ռումինիայի Հանրապետության Բուխարեստ քաղաքում կայացան պրոֆեսորադասախոսական անձնակազմի վերապատրաստումներ Էրազմուս+ ՀԳ2 Նորարարությանն ու փորձի փոխանակմանն ուղղված համագործակցություն, կարողությունների զարգացում բարձրագույն կրթության ոլորտում «Համալսարան֊տնտեսություն կապի հաստատումը Մոլդովայի, Վրաստանի և Հայաստանի ուսանողների խելամիտ ձեռներեցային համագործակցության և մրցունակության միջոցով» (ԿՈՆՆԵԿՏ) ծրագրի շրջանակներում: Վերապատրաստումներին մասնակցում էին Հայաստանի, Մոլդովայի, Վրաստանի, Լատվիայի, Բուլղարիայի, Ֆինլանդիայի, Ռումինիայի բուհերի և ՀԿ-ների ներկայացուցիչները:
Բուլղարիայում կայացած վերապատրաստման հիմնական թեմաներն էին՝ ֆինանսական պլանի կազմում, ակադեմիական ձեռներեցություն, ձեռնարկատիրական էկոհամակարգերի քարտեզագրում, արտոնագրային հայտի ներկայացում, հրեշտակ-ներդրողների հետ համագործակցություն և այլն: Աշխատանքային օրերի ընթացքում կատարվել են մի շարք այցեր քո-վորքինգ տարածքներ, ձեռներեցության կենտրոններ, համալսարաններ: Դասընթաց-վերապատրաստումներն իրանակացվում էին ծրագրի գործընկեր «Անթոլոջի մենեջմենթ» կազմակերպության դասընթացավարների և մասնագետների կողմից:
