Ս.թ. սեպտեմբերի 30-ին Մասնագիտական կրթության որակի ապահովման ազգային կենտրոնը (ՈԱԱԿ) ԲՊՀ-ում իրականացրեց որակի ներքին ապահովման համակարգի և կրթական ծրագրերի մշտադիտարկում։ Մշտադիտարկման ընթացքում ՈԱԱԿ-ի ներկայացուցիչները հանդիպումներ ունեցան բուհի ռեկտորի և պրոռեկտորների, ամբիոնի վարիչների, դասախոսների, ուսանողների և Որակի ապահովման կենտրոնի (ՈԱԿ) հետ։

Հանդիպումների ընթացքում քննարկվեցին ԲՊՀ ինստիտուցիոնալ հավատարմագրման երկրորդ շրջափուլից հետո բուհում արձանագրված առաջընթացը, բարելավման պլանը, նախատեսվող քայլերը, նոր կրթական ծրագրերի ներդրմամբ պայմանավորված մարտահրավերները: Այցի ընթացքում շեշտադրվեց նաև դասախոսների կողմից ուսանողների հետազոտական հմտությունների զարգացման, դասավանդման արդի մոտեցումների ու մեթոդների կիրառման, ինչպես նաև ՈԱԿ-ի կողմից առաջանցիկ ուսումնասիրությունների կատարման կարևորությունը։