Նազելի Հակոբյան – ԲՊՀ Անգլերենի ամբիոն, դոցենտ

Շարժունության ծրագրին դիմելու կարգին մանրամասն ծանոթանալուց հետո հավաքել եմ համապատասխան փաստաթղթերը, մշակել դասավանդման ծրագիր և առցանց ներկայացրել մասնակցության հայտ: Վստահ էի, որ այս ծրագիրը հրաշալի հնարավորություն է տալու համալսարանների կառուցվածքների, դասվանդման մեթոդների համեմատության, մասնագիտական փորձի փոխանակման ուսումնասիրության տեսանկյունից։

Վ. Բրյուսովի անվան պետական համալսարանի և Տրանսիլվանիայի Բրաշովի համալսարանի Օտար լեզուների և գրականության ֆակուլտետի աշխատանքային կառուցվածքը նույնն էր, մասնավորապես, առարկաների ծրագրերը նախատեսում էին գործնական դասեր և ամփոփվում էին մոդուլային աշխատանքների հիման վրա։ Ինչպես ԲՊՀ-ում, այնպես էլ հյուրընկալող համալսարանում շարժունության ծրագրերին մեծ ուշադրություն էին դարձնում և դիմում թե՛ դասախոսական անձնակազմը և թե՛ ուսանողները, որը շատ ողջունելի էր։