Օգոստոսի 29-ին և 30-ին Երևանի Վալերի Բրյուսովի անվան պետական լեզվահասարակագիտական համալսարանում կազմակերպվել էր ինտերակտիվ հանդիպում ռեկտորի խորհրդականի, ֆակուլտետների դեկանների, կարիերայի կենտրոնի ղեկավարի, ուսխորհրդի նախագահի և առաջին կուրս ընդունված ուսանողների միջև:

Հանդիպման ընթացքում դեկանները ուսանղներին ներկայացրել են ուսումնական պլանը, ծանոթացրել պայմաններին, տեղեկացրել ուսուցանվող լեզուների մասին, ներկայացրել ֆորմալ և ոչ ֆորմալ կրթության տարբերությունները, պատմել արտասահմանում սովորելու հնարավորությունների մասին, ինչպես նաև ծանոթացրել մասնաշենքերին և լսարաններին:

Ինտերակտիվ հանդիպման նպատակն էր նոր ընդունված ուսանողներին ներկայացնել ուսանողական կյանքը, ցույց տալ համալսարանի առավելությունները և ծանոթացնել ուսանողներին միմյանց հետ և տեղում պատասխանել բոլոր հետաքրքրող հարցերին:

Սեպտեմբերի 2-ին, ժամը 10:00-ից ԵՊԼՀ-ի բակում առաջին կուրսեցիներին կդիմավորեն ԵՊԼՀ ռեկտոր Կարինե Հարութունյանը, ԵՊԼՀ հոգաբարձուների խորհրդի նախագահ Տիգրան Հակոբյանը և բոլոր ֆակուլտետների դեկանները:

Ինտերակտիվ հանդիպում առաջին կուրսեցիների հետ