Երևան, սեպտեմբերի 2, 2019. – Այսօր, նոր ուսումնական տարվա առաջին օրը Երևանի Վալերի Բրյուսովի անվան պետական լեզվահասարակագիտական համալսարանի ղեկավարությունը և դասախոսական կազմը հանդիսավորությամբ դիմավորեցին համալսարանի առաջին կուրս ընդունված ուսանողներին: Այս տարի առաջին կուրս կհաճախի շուրջ 700 ուսանող, ինչը գոհացուցիչ ցուցանիշ է համալսարանի ղեկավարության գնահատմամբ:

Բացման խոսքով հանդես եկավ ԵՊԼՀ ռեկտոր Կարինե Հարութունյանը, ԵՊԼՀ Հոգաբարձուների խորհրդի նախագահ Տիգրան Հակոբյանը, ռեկտոորի խորհրդական ուսանողների և հասարակայնության հետ կապերի հարցերով Մարինա Աբրահամյանը, ուսխորհրդի նախագահ Շիրակ Սաֆարյանը, ֆակուլտետների դեկաններ և այլ պատասխանատուներ. նրանց կողմից հնչեցին ջերմ ողջույններ, շնորհավորանքներ և բարեմաղթանքի խոսքեր: Իր խոսքում, համալսարանի ռեկտորը հորդորեց ուսանողներին գնահատել և լավագույնս օգտագործել այն ժամանակը, որը շռայլորեն տրված է մեր երիտասարդներին՝ նշելով, որ ժամանակի արդյունավետ օգտագործումը դեպի մեծ ձեռքբերումներ տանող ուղին է: «Կրթությունը տիրակալ է, հարստությունը՝ հպատակ», - հնչեց նրա խոսքում:

Օգոստոսի 29-ին և 30-ին դեկանների հետ ունեցած երկօրյա ինտերակտիվ հանդիպման ընթացքում ուսանողներն արդեն առիթ ունեցել են ծանոթանալ ուսումնական ծրագրերին, ֆորմալ և ոչ ֆորմալ կրթության առանձնահատկություններին, արտասահմանում ուսանելու հնարավորություններին, ինչպես նաև՝ ուսանողական առօրյան հարստացնող և աշխուժացնող տարատեսակ միջոցառումներին: Համալսարանի կողմից ընձեռնված հնարավորությունները բազմաթիվ են. միայն սեպտեմբեր ամսին ԵՊՀԼ կարիերայի կենտրոնի կողմից կազմակերպվել և համալսարանում կանցկացվեն տարբեր միջոցառումներ, այդ թվում՝ շրջանավարտների օր, բաց դռներրի օր ապագա դիմորդների համար, ուսանողների մասնագիտացմանը միտված վերապատրաստման դասընթացներ:
Խորհրդանշական է, որ 2019 ուսումնական տարվա առաջին օրն այս տարի հաջորդում է Հայաստանի հանրապետությունում նշվող Գիտելիքի և դպրության օրվան:

  • Նորություններ
  • Բուհական
  • Համագործակցություն
  • Միջազգային
  • Մեր մասին
  • Բոլորը

Վարդգես Պետրոսյանի «Վերջին ուսուցիչը» 41 տարի անց Հ1-ի եթերում

12.11.2019

Այսօր, Երևանի Վ. Բրյուսովի անվան պետական լեզվահասարագիտական համալսարանր հյուրընկալեց «Վերջին ուսուցիչը» հեռուստասերիալի դերասանական և ստեղծագործական ...

«Մասնավոր հատվածի զարգացում և մասնագիտական կրթություն և ուսուցում Հարավային ...

11.11.2019

Այսօր Երևանի Վ.Բրյուսովի անվան պետական լեզվահասարակագիտական համալսարանում մեկնարկում է «Մանկավարժություն և դիդակտիկա զբոսաշրջության ոլորտի դասավանդողների համար» երկշաբաթյա ...

Մեն Լիի չինական օպերայի բեմանկարչական ձևավորումների գրքաշարի շնորհանդեսը ...

08.11.2019

Այսօր Երևանի Վ.Բրյուսովի անվան պետական լեզվահասարակագիտական համալսարանում տեղի ունեցավ Չինական գեղարվեստական  ակադեմիայի անդամ, նկարչուհի Մեն Լիի չինական օպերայի բեմանկարչական ձևավորումների պատկերազարդ ...

«Մեծ ազգագրական թելադրությունը» Հայաստանում

04.11.2019

Թելադրությունն անցկացվեց Երևանի Վ.Բրյուսովի անվան Պետական լեզվահասարակագիտական ​​համալսարանի հարթակում՝ Երևանի գիտության և մշակույթի ռուսաստանյան կենտրոնի տեղեկատվական և կազմակերպչական ...