Համալսարանին տրվել է Jean Monnet Erasmus+ հեղինակավոր դրամաշնորհ

Երևանի Վ. Բրյուսովի անվան պետական լեզվահասարակագիտական համալսարանին տրվել է Jean Monnet Erasmus+ հեղինակավոր դրամաշնորհ «ԵՄ օրենսդրությանը Հայաստանի օրենսդրության մոտարկման լաբորատորիա (Իրավական մոտարկման լաբորատորիա)/LegAL» մոդուլն իրականացնելու նպատակով: Մոդուլի հեղինակ և գիտական համակարգող է Մարդու իրավունքների, ժողովրդավարության և քաղաքագիտության ՅՈՒՆԵՍԿՕ ամբիոնի դասախոս դոկտոր Աննա Խվորոստիանկինան: Այս տարի Հայաստանից ներկայացված Ժան-Մոնե-ի հայտերից միայն երկուսն են ընտրվել ֆինանսավորման համար, ինչը ցույց է տալիս, որ ընտրության գործընթացը եղել է շատ մրցակցային:

«Իրավական մոտարկման լաբորատորիա/LegAL» (2019-2022) Ժան-Մոնե մոդուլը նախատեսված է որպես ԵՄ իրավունքի և ԵՄ օրենսդրությունը տեղական իրավակարգի մեջ ներառելու մեթոդաբանության վերաբերյալ գիտելիքների կենտրոն: Վերջինիս նպատակն է շրջանավարտներին համապատասխան գիտելիքներով և հմտություններով ապահովելու, իրավական մոտարկման խնդիրների վերաբերյալ գիտական քննարկումներ խրախուսելու և պրակտիկ աշխատողներին մեթոդաբանական աջակցություն ցույց տալու միջոցով նպաստել ՀՀ-ԵՄ համապարփակ և ընդլայնված գործընկերության համաձայնագրի (ՀԸԳՀ, անգլ.՝ Armenia-EU Comprehensive and Enhanced Partnership Agreement (CEPA)) կատարմանը:

Մոդուլը բաղկացած է մի քանի տարրերից.

1. Իրավագիտության, քաղաքագիտության, հանրային կառավարման, եվրոպական ուսումնասիրությունների և այլ հարակից դիսցիպլինների ուսանողներին առաջարկվող և իրավաբանական կլինիկայի մոդելի վրա հիմնված Իրավական մոտարկման լաբորատորիա (LegAL) դասընթաց, որը ներառում է՝

ա. տեսական մաս՝ ԵՄ իրավունքի և իրավական մոտարկման տեության ու մեթոդաբա­նութ­յան վերաբերյալ ենթադասընթաց և,
բ. գործնական՝ նպատակ ունենալով զարգացնել պրակտիկ աշխատողների հմտություններն իրավունքի և քաղաքականության մշակման ոլորտներում:

2. ԵՄ օրենսդրության մոտարկման տեսական և մեթոդաբանական առանձին խնդիրների քննարկմանն ուղղված ամենամյա ամառային դպրոց,
3. իրավական քազաքականության մշակման և իրականացման գործընթացում ներգրավված աշխատողների համար իրավական մոտարկման մեթոդաբանության վերաբերյալ ամենամյա սեմինարներ,
4. «Հայկական իրավական համակարգի եվրոպականացում. Մարտահրավերներ և հեռանկարներ» հետազոտական նախագիծ և,
5. ոլորտի առաջատար գիտնականների և պրակտիկ աշխատողների ներգրավմամբ ու հանրության համար բաց՝ իրավական մոտարկման խնդիրների վերաբերյալ ամենամյա միջազգային կլոր սեղաններ:

Մոդուլը կսկսվի 2019 թվականի հոկտեմբերի 15-ից «Իրավական մոտարկման լաբորատորիա (LegAL). նորարարական դասավանդման գործիք» բացման արարողությամբ:

LegAL դասընտացի և դիմելու ընթացակարգի վերաբերյալ լրացուցիչ տեղեկատվության համար սեղմել այստեղ կամ այցելել տեղեկատվական նիստին, որը տեղի կունենա 2019 թվականի սեպտեմբերի 13-ին ժամը 14:00-ին:

Կապ՝ legal.jeanmonnet@gmail.com

  • Նորություններ
  • Բուհական
  • Համագործակցություն
  • Միջազգային
  • Մեր մասին
  • Բոլորը

Երևանի Վ. Բրյուսովի անվան պետական լեզվահասարակագիտական համալսարանում բացվեց ՍՄԱՐԹ ...

19.09.2019

ԵՊԼՀ-ի ՍՄԱՐԹ կենտրոնի և Կարիերայի կենտրոնի աշխատանքներն ուղղված են երիտասարդների համար մեկ միասնական հարթակի ստեղծմանը, որը հնարավորություն կտա ներկայացնել նորարար գաղափարներ, ստարտ-ափ առաջարկներ ու ծրագրեր, ...

Տեսակոնֆերանս «Բնապահպանական արդի մարտահրավերները» թեմայով

18.09.2019

Հանրությանը հուզող բնապահպանական խնդիրներին էր նվիրված նաև սեպտեմբերի 17-ի «Բնապահպանական արդի մարտահրավերները» թեմայով տեսակոնֆերանսը, որ կազմակերպել էր Երևանի Վ. Բրյուսովի անվան պետական ...

Երևանի Վ. Բրյուսովի անվան պետական լեզվահասարակագիտական համալսարանում կբացվի ՍՄԱՐԹ ...

17.09.2019

Երևանի Վ. Բրյուսովի անվան պետական լեզվահասարակագիտական համալսարանում Էրազմուս+ ՀԳ2 Նորարարությանն ու փորձի փոխանակմանն ուղղված համագործակցություն, կարողությունների զարգացում բարձրագույն կրթության ոլորտում` ...

ԵՊԼՀ-ն հյուրընկալել է Բլագոևգրադի «Նեոֆիտ Ռիլսկի» Հարավ-Արևմտյան համալսարանի ...

13.09.2019

Դ. Պապոյանի հետազոտությունը առնչվում է հայկական հարցին ռուսական քաղաքականության համատեքստում: