Գրանադայի համալսարանի դոցենտ Միգել Ռոդրիգեսի այցը ԵՊԼՀ

Էրազմուս+ միջազգային կրեդիտային շարժունության գործողության շրջանակներում ս.թ. հուլիսի 8-ից 12-ը Երևանի Վ. Բրյուսովի անվան պետական լեզվահասարակագիտական համալսարան էր այցելել Իսպանիայի Գրանադայի համալսարանի դոցենտ պարոն Միգել Ռոդրիգեսը: Այցի ընթացքում նա հանդիպեց ԵՊԼՀ Արտաքին կապերի և միջազգային համագործակցության վարչության պետ Ք. Ծատուրյանի հետ՝ քննարկելով հետագա համագործակցության հնարավորությունները, ինչպես նաև շարժունության համաձայնագրի շրջանակներում ուսանողների և անձնակազմի փոխանակաման հետ կապված հարցեր: Այնուհետև ԵՊԼՀ գրադարանի ղեկավար Ա. Չուլյանը շրջայց կազմակերպեց Բրյուսովի թանգարան և ծանոթացրեց ԵՊԼՀ ստեղծման պատմության և Վ.Բրյուսովի հարուստ ժառանգության հետ:

Իր հերթին Մ. Ռոդրիգեսը ԵՊԼՀ ներկայացուցիչների համար պատրաստել էր Գրանադայի համալսարանի մասին պատմող տեսաֆիլմ և պրեզենտացիա: Ի դեպ Գրանադայի համալսարանը, հիմնադրվելով 1531թ., համարվում է Իսպանիայի լավագույն հետազոտական համալսարաններից մեկը. այն ունի շուրջ 55000 ուսանող, 3500-ից ավել դասախոսական կազմ, 12 հետազոտական ինստիուտ, 4 մասնաճյուղ Գրանդայում և 2 մասնաճյուղ Հյուսիսային Աֆրիկայում: Մ. Ռոդրիգեսի այցը փոխադարձ արդյունավետ էր հետագա համատեղ ծրագրերի և համագործակցության նոր պայմանավորվածությունների ձեռքբերմամբ:

Գրանադայի համալսարանի դոցենտ Միգել Ռոդրիգեսի այցը ԵՊԼՀ