Դեսպան Քիսլերն իր խոսքում ընդգծեց, որ իրենց համար շատ կարևոր է ՀՀ-ում գերմաներենով գրքերի տպագրությանը նպաստելը և խրախուսեց ոչ միայն լսել, այլ նաև կարդալ գրքեր գերմաներենով:
Միջոցառումը վարեց գերմաներենի ամբիոնի դոցենտ, Ավստրիական գրադարանի ղեկավար Լիանա Սաֆարյանը:
Միջոցառման ընթացքում քննարկվեցին թարգմանչական առանձնահատկությունները, ներկայացվեցին երկու ստեղծագործությունները, բանախոսները ընթերցեցին նաև հատվածներ բնօրինակից և հայերեն թարգմանությունից, որին հաջորդեց հետաքրքիր քննարկում միջոցառման մասնակիցների հետ:
Միջոցառումն անցկացվեց Գերմանիայի դեսպանության հետ համագործակցության շրջանակներում:
