Շնորհանդեսին ելույթ ունեցան նաև Երևանի Մ. Հերացու անվան պետական բժշկական համալսարանի Հայոց լեզվի և բժշկական տերմինաբանության ամբիոնի վարիչ Հենրիետա Սուքիասյանը և Ֆրանսերենի և ռոմանական բանասիրության ամբիոնի վարիչ Ժակլին Մինասյանը։ Նրանք բարձր գնահատեցին բառարանի կարևորությունը բժշկական ուսուցման և թարգմանության գործընթացում, ինչպես նաև ընդգծեցին նմանատիպ նախագծերի գիտակրթական նշանակությունը։
Վարդ Հարությունյանը ներկայացրեց բառարանի ստեղծման գաղափարը, նշելով, որ այն ծնվել է բժշկական թարգմանությունների ոլորտում առկա կառուցվածքային և լեզվաբանական բացերը լրացնելու նպատակով։ Աշխատանքը ներառում է նաև հայերեն և ռուսերեն տերմինների այբբենական ցանկեր։
Շնորհանդեսը եզրափակվեց Վարդ Հարությունյանի հեղինակային բանաստեղծությամբ, նվիրված բ.գ.դ., պրոֆեսոր Արամ Բարլեզիզյանին, որի ազդեցությունը առանցքային է եղել հեղինակի մասնագիտական կայացման և բառարանի ստեղծման գործում։
