Էրազմուս+ ՊԴ կազմի շարժունության ծրագրի շրջանակներում ԵՊԼՀ Կրթության կառավարման և պլանավորման ամբիոնի վարիչ Ռոբերտ Խաչատրյանը և Անգլերենի ամբիոնի դասախոս Ստելլա Մարտիրոսյանը մեկնել են Լեհաստանի Օպոլե համալսարան՝ մասնակցելու Լեհաստանի Օպոլե համալսարանում կազմակերպվող եվրոպական միջազգային շաբաթին` ներկայացնելով ԵՊԼՀ-ի գործունեությունը, հաստատելով մասնագիտական կապեր և արդյունքում զարգացնելով մասնագիտական հմտությունները: Միջազգային շաբաթի շրջանակներում իրականացվել են աշխատաժողովներ հետևյալ թեմաներով՝

• սոցիալական, մշակութային ու ազգային համակարգերում միջգիտակարգային մոտեցումների կիրառում,
• հաստատությունների քաղաքականություններ և ռազմավարությունների մշակում,
• միջազգային ակադեմիական շարժունության հնարավորություններ, առավելություններն ու թերությունները,
• միջազգային ուսանողներին առաջարկվող կրթական ծրագրեր,
• գիտական աշխատանքների տպագրությունների խթանում,
• ակադեմիական միջավայրում խտրականության դեմ պայքարի միջոցներ,
• ձեռնարկատիրական կրթություն: