Երևանի Վ. Բրյուսովի անվան պետական լեզվահասարակագիտական համալսարանի ռեկտոր Կարինե Հարությունյանը  հոկտեմբերի 5-ին ընդունեց ՀՀ-ում Գերմանիայի Դաշնային Հանրապետության արտակարգ և լիազոր դեսպան Մաթիաս Քիսլերին:

ԵՊԼՀ նիստերի դահլիճում տեղի ունեցած հանդիպմանը ներկա էին նաև Արտաքին կապերի և միջազգային համագործակցության վարչության պետ Ք. Ծատուրյանը, Թարգմանության և միջմշակութային հաղորդակցման ֆակուլտետի դեկան Հ. Ճանճապանյանը, ԵՊԼՀ գերմաներենի ամբիոնի վարիչ Է. Ղազարյանը, Ավստրիական գրադարանի գիտական ղեկավար Լ. Սաֆարյանը, գերմաներեն դասավանդող դասախոսներ և ուսանողներ: «Գերմաներենի օրեր Հայաստանում» միջոցառումների շրջանակում տեղի ունեցած այս հանդիպման ընթացքում պարոն Քիսլերը ընթերցեց հատվածներ Բերնհարդ Շլինկի «Ընթերցողը» վեպից:

Միջոցառմանը ներկա էր նաև եպի հայերեն թարգմանիչ Գայանե Գինոյանը, որը հատվածներ ներկայացրեց հայերեն թարգմանությունից:

 

Հանդիպման սկզբում ԵՊԼՀ ռեկտորը ողջունեց հյուրերին. «Ուրախ ենք ողջունել Ձեզ ԵՊԼՀ-ում: ԵՊԼՀ-ն կարևորում է գերմանայի դեսպանատան  հետ համգործակցությունը:  Մենք պատրաստակամ ենք էլ ավելի ընդլայնելու այդ կապերը: 45-ից ավելի լեզուներով թարգմանված միջազգային բեստսելլերը համարվում է գերմանական գրականության ամենաճանաչված ստեղծագործություններից մեկը:

Պատահական չէ, որ 2008 թվականին Շլինկի ‹‹Ընթերցողը›› վեպի հիման վրա նկարահանված համանուն դրաման նոմինացվել է Ամերիկյան կինոակադեմիայի «Օսկար» մրցանակաբաշխության 5 անվանակարգերում»- նշեց ԵՊԼՀ ռեկտորը::

Դեսպանը շնորհակալություն հայտեց ԵՊԼՀ ղեկավարությանը հանդիպման համար և հույս հայտնեց, որ նման հանդիպումների արդյունքում նոր ծրագրեր ու գաղափարներ կծնվեն, որոնք կամրապնդեն համագործակցությունը:

ԵՊԼՀ ռեկտորը վստահություն հայտնեց, որ ԵՊԼՀ-ի և դեսպանատան միջև սկիզբ առած համագործակցությունը առավել կնպաստի երկու ժողովուրդների միջև միջազգային կապերի ամրապնդմանն ու զարգացմանը:

Հանդիպումից հետո պատվիրակության անդամներն այցելեցին նաև Ֆրանց Վերֆելի անվան ավստրիական գրադարան, որտեղ գրադարանի գիտական ղեկավար Լ. Սաֆարյանը, ներկայացնելով գրադարանը, փաստեց 4000-ից ավել գերմանալեզու գրականության առկայության կարևորությունը գերմաներեն ուսումնառողների համար:

  • Նորություններ
  • Բուհական
  • Համագործակցություն
  • Միջազգային
  • Մեր մասին
  • Բոլորը

ԵՊԼՀ-ի ուսանողները «Մեծ գաղափարների մարտահրավեր» միջազգային մրցույթի ...

19.07.2019

Միջազգային և տեղական ժյուրիի կողմից Բրիտանական Խորհրդի «Մեծ գաղափարների մարտահրավեր» (Big Idea Challenge) տեսանյութերի մրցույթի ազգային հաղթող է ճանաչվել Երևանի Վ. Բրյուսովի անվան պետական լեզվահասարակագիտական ...

ԵՊԼՀ շրջանավարտները հանդիսավոր կերպով ստացան իրենց դիպլոմները

15.07.2019

Հուլիսի 12-ին տեղի ունեցավ Երևանի Վալերի Բրյուսովի անվան պետական լեզվահասարակագիտական համալսարանի ուսանողների ավարտական միջոցառումը, որին հաջորդեց ...

Գրանադայի համալսարանի դոցենտ Միգել Ռոդրիգեսի այցը ԵՊԼՀ

12.07.2019

Էրազմուս+ միջազգային կրեդիտային շարժունության գործողության շրջանակներում ս.թ. հուլիսի 8-ից 12-ը Երևանի Վ. Բրյուսովի անվան պետական լեզվահասարակագիտական համալսարան էր այցելել Իսպանիայի Գրանադայի համալսարանի դոցենտ ...

Հուլիսի 5-ը ՀՀ Սահմանադրության օրն է

05.07.2019

1991 թ. Հայաստանի Հանրապետության անկախության վերականգնմամբ անխուսափելի դարձավ նոր՝ ազգային սահմանադրության ընդունումը։ Սահմանդրությունն ընդունվեց 1995 թ. հուլիսի 5-ին` համաժողովրդական հանրաքվեով։ Սահմանադրության ...