ԵՊԼՀ-ն միացավ Ֆրանսիական կարճամետրաժ ֆիլմերի առցանց հեռարձակվող փառատոնին

Մարտի 15-ին` ժամը 12.00-ին, Վ. Բրյուսովի անվան պետական լեզվահասարակագիտական համալսարանը միացավ Ֆրանսիական կարճամետրաժ ֆիլմերի առցանց հեռարձակվող փառատոնին:

2019թ. մարտի 13-ին Ֆրանսիայում մեկնարկեց Կարճամետրաժ ֆիլմերի փառատոնը, որը տեղի է ունենում ամեն տարի Ֆրանկոֆոնիայի օրերի շրջանակում: Այս տարի տոնն ընդգրկում է ավելի քան 4000 կինոսրահ Ֆրանսիայի տարբեր շրջաններում, ևս 30-ը՝ Ֆրանսիայից դուրս, որոնք հանդես են գալիս որպես կարճամետրաժ կինոյի յուրահատուկ դեսպաններ: Տարածքային այսպիսի մեծ ընդգրկումն իր բացատրությունն ունի. ֆրանսիական կարճամետրաժ ֆիլմերի փառատոնը միջազգային բաց կինոհարթակ է, որի միջոցով կինոսիրողները հնարավորություն ունեն ծանոթանալու ֆրանսախոս կինոյի նորարական մտքին և նրա միջոցով հաղորդակից լինելու ֆրանսիական հարուստ լեզվին և մշակույթին:

 

Վ. Բրյուսովի անվան պետական լեզվահասարակագիտական համալսարանը երկրորդ անգամ էր մասնակցում առցանց հեռարձակվող այս փառատոնին: Միջոցառումն իրականացվում էր Հայաստանի ազգային կինոկենտրոնի հետ համատեղ: Ֆրանսիական կինոն լավագույնս ներկայացնելու այս գեղեցիկ ձեռնարկի նախաձեռնողը Վ.Բրյուսովի անվան համալսարանի Ֆրանկոֆոն հետազոտությունների միջհամալսարանական ակադեմիական նվաճումների կենտրոնն էր: Միջոցառումը վարեց Հայաստանի ազգային կինոկենտրոնի համակարգող, կինոգետ և թարգմանիչ Նունե Գալստյանը:

Ցուցադրությունից հետո կազմակերպված բանավեճը վեր հանեց ֆրանսիական բաժնի ուսանողների՝ ֆրանսերեն կենդանի խոսքը լսելու, ըմբռնելու հմտությունները, բարձրացված հարցերի շուրջ գրագետ ֆրանսերենով մտքեր փոխանակելու կարողությունը:

ԵՊԼՀ-ն միացավ Ֆրանսիական կարճամետրաժ ֆիլմերի առցանց հեռարձակվող փառատոնին
  • Նորություններ
  • Բուհական
  • Համագործակցություն
  • Միջազգային
  • Մեր մասին
  • Բոլորը

ԵՊԼՀ Կարիերայի կենտրոնի մասնագետ Անի Հովսեփյանը մասնակցեց «Youth@Work - աջակցելով ...

17.10.2019

Աշխատանքային հանդիպումների և քննարկումների ընթացքում Անի Հովսեփյանի կողմից ներկայացվել է ԵՊԼՀ-ն, առաջարկվող կրթական ծրագրերը, Կարիերայի կենտրոնի կողմից իրականացվող երիտասարդական ծրագրերը և երիտասարդների հետ ...

Չարենցի բանաստեղծությունները տարբեր լեզուներով

14.10.2019

Եղիշե Չարենցի անվան տուն-թանգարանը Թարգմանչաց տոնին հյուրընկալել էր Երևանի Վալերի Բրյուսովի անվան պետական լեզվահասարակագիտական համալսարանի ուսանողներին, որոնք միջոցառում էին կազմակերպել` թարգմանելով Չարենցի ...

Հեկտոր Բեռլիոզի փառահեղ կյանքը և նրա «Ֆանտաստիկ սիմֆոնիան»

10.10.2019

Վ. Բրյուսովի անվան պետական լեզվահասարակագիտական համալսարանի Ֆրանկոֆոն հետազոտությունների միջհամալսարանական ակադեմիական նվաճումների կենտրոնում տեղի ունեցավ բանասիրական գիտությունների դոկտոր, պրոֆեսոր Արամ ...

Կայացավ «Գերմաներենի տանիքի տակ» խորագրով գերմաներենի ուսուցիչների 4-րդ ...

01.10.2019

Սեպտեմբերի 28-ին և 29-ին տեղի ունեցավ Գերմաներենի տանիքի տակ խորագրով ՀՀ-ում գերմաներենի ուսուցիչների 4-րդ համաժողովը: