Մասնակիցներին ողջունեց Լինցի Դիոցեզեի անվան կրթության մասնավոր համալսարանական քոլեջի պրոռեկտոր Գաբրիելե Զեհետները: Գործընկեր համալսարանները ներկայացրեցին իրենց բուհերի վերաբերյալ հակիրճ տեղեկություն, ինչպես նաև «Էրազմուս+» «Հայաստանի և Ռուսաստանի բարձրագույն կրթության աշխատանքահենք ուսուցման ճկուն, նորարարական և գործնական շրջանակի մշակում» ծրագրի շրջանակում կատարված աշխատանքները, արդյունքները և ապագա անելիքները:
ԱԿՄՀ վարչության պետ Անի Հովհաննիսյանը ներկայացրեց համալսարանն ու կրթական ծրագրերը, առանձին ելույթով ներկայացրեց նաև ծրագրի շրջանակներում ԲՊՀ կատարած աշխատանքները և արդյունքները: Ընդգծելով աշխատահենք ուսուցման ծրագրի կարևորությունը՝ Անի Հովհաննիսյանը հավելեց, որ աշխատանքի ընթացքում ուսանողների ձեռք բերած գործնական գիտելիքները, կարողությունները և հմտությունները երկարաժամկետ ազդեցություն են ունենալու նրանց հետագա մասնագիտական ձեռքբերումների վրա:
Աշխատաժողովի ընթացքում կայացավ նաև ղեկավար կազմի նիստ, որի ընթացքում քննարկվեցին հետագա անելիքները: Մինչ 2023 թվականի ավարտը նախատեսվում է ևս երեք աշխատաժողով Հայաստանում, Լիտվայում և Լատվիայում: Հայաստանի հանդիպումը տեղի կունենա ս.թ. հունիսի 5-8-ը ծրագրի գործընկեր երեք բուհերում:
