Դասընթացի առաջին օրը պարոն Լուկաս Մայերհոֆերը ներկայացրեց իրենց նախարարության «Մշակույթ և լեզու» բաժնի կողմից ստեղծած «Կանայք Ավստրիայում» ուսումնական նյութը։
Հաջորդ աշխատաժողովը «Գերմաներենը՝ որպես բազմակենտոն լեզու» թեմայով էր, որի քննարկման առարկան ավստրիական գերմաներենի առանձնահատկություններն էին:
Միջոցառումների շարքը շարունակվեց սեպտեմբերի 29-ի երեկոյան Արամ Խաչատրյանի տուն-թանգարանում տեղի ունեցած կիթառի համերգով՝ ավստրիացի կիթառահար Յուլիա Մալիշնիգի մասնակցությամբ:
Սեպտեմբերի 30-ին պարոն Նորբերտ Հաբելտը զեկուցեց գերմանախոս երկրների (DACHL) համատեղ գործունեության մասին, մասնակիցները ծանոթացան նաև Ավստրիայի կրթության և գիտության նախարարության «Մշակույթ և լեզու» բաժնի կողմից իրականացվող ծրագրերին:
Ճաշից հետո Լուկաս Մայերհոֆերը անցկացրեց երկրագիտական սեմինար Ավստրիայի խոհանոցի վերաբերյալ, որի ընթացքում ցուցադրվեց ուսումնական նյութ ավստրիական ավանդական խոհանոցի մասին։
Դասընթացի մասնակիցները պարոն Մայերհոֆերի օգնությամբ համալսարանի խոհանոցում պատրաստեցին ավստրիական խոհանոցի մի քանի համեղ ավանդական ուտեստներ:
