Ցուցադրությունը ներկայացրին ՀՀՍ-ի ֆակուլտետի լրագրության բաժնի 2-րդ կուրսի ուսանողները: Նրանք ներկաներին պատմեցին արևմտահայ կրթօջախների գործունեության մասին, առանձին բաժնով ներկայացրին Կ.Պոլսի հայկական վարժարանները, որտեղ ուսանել են Հայոց ցեղասպանությանը զոհ դարձած արևմտահայ հայտնի մտավորականներ:
Միջոցառմանը ներկա էին ԲՊՀ ռեկտոր Դ. Գյուրջինյանը, Արևելյան լեզուների ամբիոնի վարիչ Ք. Ռաֆայելովան, ՀՑԹԻ գիտքարտուղար Ն. Մարգարյանը, ՀՑԹԻ կրթական ծրագրի պատասխանատու Ի. Ստեփանյանը, դասախոսներ, ուսանողներ: Դ. Գյուրջինյանն իր խոսքում կարևորեց նման միջոցառումների անցկացումը և նշեց հասարակություննրի կայացման գործում կրթության դերի մասին: ՀՑԹԻ գիտքարտուղար Ն. Մարգարյանն իր խոսքում շեշտեց, որ ԲՊՀ և ՀՑԹԻ-ի միջև համագործակցության ամուր և կայուն հիմքեր են դրվել, որի ապացույցը ոչ միայն այս ցուցադրության բացումն է, այլև Հայոց ցեղապանության թանգարանի աուդիոգիդերի տեքստերի չինարեն և կորեերեն թարգմանության հարցում ԲՊՀ-ի աջակցությունը: Նա հույս հայտնեց, որ մոտ ապագայում թանգարանում կգործարկվեն չինարեն և կորեերեն աուդիոգիդերը:
Տեղեկացնենք, որ ցուցադրությունը մեկ ամիս ներկայացված է լինելու Վ. Բրյուսովի անվան պետական համալսարանում:
