Ս.թ. Հոկտեմբերի 22-ին ԵՊԼՀ Նիստերի փոքր դահլիճում տեղի ունեցավ Ռոմանական լեզուների ամբիոնի բ.գ.դ. պրոֆեսոր Ա.Բարլեզիզյանի կողմից կատարված հայերեն-ֆրանսերեն և ֆրանսերեն-հայերեն թարգմանություններին նվիրված ցերեկույթը:

Թարգմանությունների շարքում տեղ էին գտել Եղիշե Չարենցի, Հովհաննես Շիրազի, Պարույր Սևակի, Համո Սահյանի, Վահագն Դավթյանի, Սիլվա Կապուտիկյանի, Հենրիկ Էդոյանի, իսկ ֆրանսիացի գրողներից` Գիյոմ Ապոլիների, Ժակ Պրևերի, Պոլ Ֆորի, Պոլ Էլուարի, Ռոբեր Դեսնոյի և այլոց ստեղծագործությունները:

Միջոցառմանը ներկա էին ԵՊԼՀ-ի և այլ բուհերի դասախոսներ, ուսանողներ և շրջանավարտներ:

Ցերեկույթի վերջում պրոֆեսոր Ա.Բարլեզիզյանը բոլորին հաճելի անակնկալ մատուցեց իր անզուգական երաժշտական կատարումներով:

«Պոեզիայի ցերեկույթ»