ԱՄԲԻՈՆԻ ՆՊԱՏԱԿՆԵՐՆ ԵՆ՝ 

Կրթական

➢ կազմակերպել և իրականացնել որակյալ կրթություն՝ լսարանային և արտալսարանային գործունեության ներառմամբ,
➢ մշակել և ներդնել ուսանողների մասնագիտական առաջընթացն ապահովող արդիական և հետաքրքիր, ինչպես նաև տարբերակված դասընթացներ և ուսուցումը խթանող միջոցներ,
➢ ներառել ուսանողների ստեղծագործական, հաղորդակցական, քննադատական և վերլուծական հմտությունները զարգացնող կամընտրական դասընթացներ՝ ապահովելով միջգիտակարգային համատեքստ, որտեղ լեզվական և մշակութային իրազեկությունները փոխադարձաբար լրացնում են միմյանց:

Գիտահետազոտական

➢ նպաստել ԲՊՀ-ի գիտական վարկանիշի ձևավորմանը և զարգացմանը,
➢ իրականացնել գիտահետազոտական գործունեություն՝ ըստ ամբիոնի գիտահետազոտական ուղղությունների,
➢ խրախուսել երիտասարդ դասախոսներին՝ զբաղվել գիտահետազոտական գործունեությամբ, ապահովել նրանց խորհրդատվությամբ՝ հոդվածներ գրելու և զեկուցումներ պատրաստելու, առավել փորձառու դասախոսների հետ համատեղ գիտական արդյունք տալու հարցում,
➢ արդիականացնել ուսանողների գիտահետազոտական աշխատանքների թեմաները, օգնել նրանց գիտական թեմայի ընտրության հարցում,
➢ պարբերաբար անցկացնել գիտական համաժողովներ, ինչպես նաև ուսանողական գիտական կոնֆերանսներ,
➢ իրականացնել փորձագիտություն՝ ներկայացնելով կարծիքներ ատենախոսությունների, ուսումնամեթոդական ձեռնարկների, մենագրությունների, հոդվածների և այլ գիտական աշխատանքների վերաբերյալ:

Կազմակերպչական

➢ ապահովել ամբիոնի գիտամանկավարժական կադրերի պատրաստման, նրանց որակավորման բարձրացման, մագիստրոսների, ասպիրանտների, դոկտորանտների գիտակրթական արդյունավետ գործունեության համար անհրաժեշտ նախադրյալներ,
➢ պարբերաբար անցկացնել գիտակրթական և ուսումնամեթոդական սեմինարներ, կլոր սեղաններ,
➢ խրախուսել դասախոսների շարունակական մասնակցությունը ԲՊՀ որակավորման դասընթացներին, ինչպես նաև տարբեր երկրներում և գիտաուսումնական կենտրոններում կազմակերպվող գիտաժողովներին և սեմինարներին:

ԱՄԲԻՈՆԻ ԱՌԱՔԵԼՈՒԹՅՈՒՆՆ Է՝ 

➢ տրամադրել միջազգային կրթական չափանիշներին համապատասխան անգլերենի ուսուցում ՝ անգլերենը որպես մասնագիտություն (լեզվաբաններ և մանկավարժներ) և անգլերենի տարբերակված ուսուցում՝Տուրիզմ և Սերվիս, Քաղաքագիտություն, Եվրոպագիտություն, Լրագրություն, Կրթության կառավարում և պլանավորում, Տեղեկատվություն և հանրային հաղորդակցություն, Լեզվաբանություն և տեղեկատվական տեխնոլոգիաներ մասնագիտությունների համար,
➢ մշակել դասընթացներ եռաստիճան կրթության համակարգում (բակալավր, մագիստրոս և հետբուհական կրթություն)՝ լեզուների իմացության համընդհանուր եվրոպական շրջանակի (CEFR) A1-ից C2 մակարդակներում,
➢ պատրաստել ժամանակակից աշխատաշուկայի պահանջարկին համապատասխան անգլերենի ուսուցիչներ, լեզվաբաններ, ինչպես նաև անգլերենի խորացված իմացությամբ մասնագետներ վերոնշյալ ոլորտներում,
➢ նպաստել բուհի առաքելության իրականացման հիմնական դրույթներին, մասնավորապես՝ հումանիտար գիտությունների ոլորտում գիտելիքի ստեղծման, փոխանցման և միջմշակութային հաղորդակցման կարողություւնների և հմտությունների ձևավորման միջոցով:

ԱՄԲԻՈՆԻ ԳՈՐԾԱՌՈՒՅԹՆԵՐՆ ԵՆ՝

➢ ապահովել անգլերենի եռաստիճան կրթություն,
➢ մշակել հաղորդակցական անգլերենի ուսուցման համապատասխան մեթոդաբանություն,
➢ ներդնել գործնական և տեսական դասընթացների տարբերակված ուսուցում,
➢ մշակել ուսումնամեթոդական փաթեթներ՝ ըստ  տարբերակված ուսուցման: