Միջազգային կրեդիտային շարժունություն

Էրազմուս+ ծրագրի կրեդիտային շարժունությունը (փոխարինում է Էրազմուս Մունդուսի Գործողություն 2-ին)
 

«Կրեդիտային շարժունությունը» ֆինանսավորում է ուսանողներին երկկողմանի շարժունությունը բարձրագույն կրթության բոլոր մակարդակներում  (կարճ ցիկլ, բակալավրի, մագիստրոսական, դոկտորական մակարդակներ), ինչպես նաև ընձեռում է հնարավորություն վերջին շրջանում ավարտածներին պրակտիկա անցնելու օտարերկրյա բուհերից մեկում: Կրեդիտային շարժունությունը հասանելի է ԵՄ երկրների և Հայաստանի ուսանողների համար և իրականացվում է երկու կամ ավելի համագործակցող համալսարանների միջև համաձայնագրի առկայության պարագայում: Ուսանողների համար ուսման տևողությունը 3-ից մինչև 12 ամիս է: Մինչ մեկնելը «Ուսման համաձայնագիր»  է ստորագրվում ուսանողի, ուղարկող և ընդունող հաստատության կողմից: Պրակտիկայի տևողությունն է 2-ից մինչև 12 ամիս:


Միջազգային կրեդիտային շարժունության ծրագիրը բաց է նաև բուհերի աշխատակազմի համար դասավանդելու կամ վերապատրաստվելու արտերկրում: Աշխատակազմի շարժունությունը տևում է 5 օրից մինչև 2 ամիս: Մինչ մեկնումը, վերապատրաստման համաձայնագիր է կնքվում աշխատակցի, ուղարկող և ընդունող հաստատությունների միջև:


Միջազգային կրեդիտային շարժունության ծրագրերի շրջանակում, ուսանողներն ու անձնակազմը ստանում են կրթաթոշակ, որը հոգում է ճանապարհորդության, վիզայի, ապահովագրության, ինչպես նաև կացության ծախսերը:

Մանրամասների համար կարող եք դիմել Արտաքին կապերի և միջազգային համագործակցության վարչություն:

ԵՊԼՀ Արտաքին կապերի և միջազգային համագործակցության վարչություն

IV հարկ, 405, 410 սենյակներ

Հեռախոս. (+374 11) 300 111/207, 220