ԵՊԼՀ ԴԵՍՊԱՆՆԵՐԻ ԾՐԱԳԻՐ

 ԵՊԼՀ ԴԵՍՊԱՆՆԵՐԻ ԾՐԱԳԻՐ

Ուսանող - դեսպաններ ծրագիրը (ՈՒԴ) ԵՊԼՀ-ում նոր ծրագիր է, որը ԵՊԼՀ-ի ուսանողներին լիազորում է ներկայացնել համալսարանը արտերկրում, տեղական և միջազգային տոնավաճառներում, օտարեկրյա ուսանողներին՝ խթանելով և տարածելով համալսարանի ակադեմիական մշակույթի, ուսումնական ծրագրերի  մասին տեղեկատվություն:  Այսպիսով, Դուք՝ որպես ներկայիս ուսանող ԵՊԼՀ-ում, արտերկրում մեր ամենակարևոր ներկայացուցիչներից մեկն եք:

ԵՊԼՀ դեսպանը ուսանող է, որը խոր համակրանք ունի համալսարանի և երկրի նկատմամբ, շահագրգռված է խթանել և տարածել տեղեկատվություն ԵՊԼՀ-ում, ուսումնառելու և ամենահին քաղաքակրթություններից մեկը ուսումնասիրելու վերաբերյալ:  ԵՊԼՀ դեսպանի տիտղոսը բարձր գնահատական է:

ԵՊԼՀ դեսպանի առաքելությունն է ապահովել լավագույն ուսանողական ներկայացուցչությունը ապագա և ներկա ուսանողների, ինչպես նաև ԵՊԼՀ համայնքի շրջանավարտների՝ միևնույն ժամանակ զարգացնելով ուսանողական առաջնորդության հնարավորությունները և հմտությունները: 

Այսպիսով, ի՞նչ է ակնկալվում:

Արտերկրում գտնվելու ընթացքում հնարավոր է՝ Ձեզ խնդրեն ներկայացնել ԵՊԼՀ-ն կամ նույնիսկ ներկայացնել համալսարանը գործընկեր համալսարանում կազմակերպվող «Սովորիր արտերկրում» տոնավաճառի ժամանակ: Ձեր դերը ամենակարևորն է ուսանողների հեռանկարային փոխանակման և նրանց ԵՊԼՀ գալու գործում ոգեշնչելու տեսանկյունից: Ուսանողների փոխանակումը նպաստում է ԵՊԼՀ միջազգային պրոֆիլին, որը կարևորագույն մաս է կազմում համալսարանը լավագույններից մեկը դարձնելու գործում:

ԵՊԼՀ-ի դեսպանի առաքելությունն է նպաստել Հայաստանում սովորելուն և ապրելուն: Եթե տոնավաճառների և/կամ շնորհանդեսների ընթացքում հանդիսատեսը հարցեր ունի, որոնց հստակ չեք տիրապետում, խնդրում ենք գրի առնել հարցերը և համապատասխան կապի միջոցները. արտաքին կապերի և միջազգային համագործակցության վարչությունն ավելի ուշ կապ կհաստատի  և կպատասխանի Ձեր հարցերին:

Հնարավոր գործունեությունը կարող է ներառել՝

  • օտարեկրյա ուսանողների համար նախատեսված կրթական միջոցառումներ,
  • ավագ դպրոցների շնորհանդեսներ,
  • ավագ դպրոցների ցուցահանդեսներ,
  • միջազգային կրթական տոնավաճառներ,
  • փորձի փոխանակում կարիերայի, կոնֆերանսների, փառատոների և կրթական տարեկան ցուցահանդեսների ժամանակ,
  • ծառայել որպես համալսարանի հյուրընկալող ապագա օտարերկրյա ուսանողների համար,
  • ստեղծել Ուսանող–դեսպաններ բլոգ ապագա օտարերկրյա ուսանողների համար և տրամադրել տեղեկատվություն հետևյալ թեմաների շուրջ՝
  • Ապրելակերպը Երևանում
  • Հայաստան. մշակույթն ու ավանդույթները
  • Աշխատանք գտնելը հայրենիքում կամ արտերկրում
  • Շրջագայություն ԵՊԼՀ-ում. կյանքը համալսարանի տարածքում:

 

Ի՞նչ ես ձեռք բերելու

  • ԵՊԼՀ դեսպանի վկայական
  • Գործարար կապերի հաստատում օտարերկրյա ուսանողների և ակադեմիական համայնքի հետ
  • Հաղորդակցման և ներկայացման հմտությունների հղկում
  • Ուսման և աշխատանքի հնարավորությունների հասանելիություն
  • Երաշխավորություն ԵՊԼՀ ղեկավարության կողմից հետագա ուսման կամ աշխատանքի հեռանկարների նպատակով

Ինչպե՞ս դառնալ ԵՊԼՀ դեսպան

Այն, ինչ պետք է անեք, մեզ դիմելն է՝ ներկայացնելով մոտիվացիոն նամակ ծրագրին մասնակցելու համար: Ի՞նչն է կարևորվելու: Առաջադիմությունը, դրական վերաբերմունքը, միջազգային համայնքին ԵՊԼՀ-ն ներկայացնելու անկեղծ ցանկությունը, համալսարանի և երկրի հանդեպ խորը համակրանքը: Օտարեկրյա ուսանողները ևս կարող են մասնակցել §ԵՊԼՀ դեսպան¦ ծրագրին:

Դեռևս հարցեր ունե՞ք

Մենք այստեղ ենք Ձեր հարցերին պատասխանելու համար: Խնդրում ենք կապ հասատել մեզ հետ intrel@brusov.am կամ intrel_officer1@brusov.am էլ. հասցեներով:  Թեմայի տողում խնդրում ենք նշել «Հարց ԵՊԼՀ դեսպանի մասին»: