Մենք կարևորում ենք մանկավարժական կրթության դերը՝ որպես կրթական համակարգի առանցքային օղակ և վստահ ենք, որ բազմակողմանի զարգացած, լեզվական և մշակութային խորը գիտելիքներով զինված, մասնագիտական դժվարություններն ինքնուրույն հաղթահարելու ունակ ուսուցիչները, մանկավարժներն ու կրթության կառավարիչներն ի զօրու են ընդունել մեր ժամանակների մարտահրավերներն և իրականացնել կրթության ոլորտի բարեփոխումները:

ԿՄՄ ֆակուլտետի նպատակը: Մասնագիտական գիտելիքների, կարողությունների և հմտությունների ձևավորման ու զարգացման միջոցով խթանել համալսարանի մրցունակությունն ազգային, տարածաշրջանային և միջազգային կրթական տարածքներում:

Առաքելությունը: Դառնալ ժամանակակից պահանջներին համահունչ կարողություններ և հմտություններ ունեցող մանկավարժների պատրաստման և վերապատրաստման կենտրոն, և կրթական ու հետազոտական ծրագրերի իրականացման միջոցով նպաստել ԲՊՀ-ի մրցունակությանը ազգային, տարածաշրջանային և միջազգային կրթական տարածքներում:                           

ԿՄՄ ֆակուլտետի ձեռքբերումները. 

Վերանայվել են բակալավրական և մագիստրոսական մասնագիտական կրթական ծրագրերը՝ ապահովելով դրանց համադրելիությունը ԱՊՀ և եվրոպական կրթական ծրագրերի հետ, ստեղծվել են ծրագրային և ուսումնամեթոդական փաթեթներ՝ մասնագիտությունների զարգացման արդի միտումներին և կրթական պահանջներին համահունչ։

Ուսանողների ինքնուրույն գործունեությունը խթանելու նպատակով ստեղծվել է համապատասխան կրթական միջավայր:

Ընդլայնվել են ՏՀՏ-ների դիդակտիկական գործառույթները, որոնք հնարավորություն են ընձեռում մշակել դասավանդման նոր ձևեր ու մեթոդներ և ապահովել ուսանողի և դասախոսի միջև անմիջական հետադարձ կապը:

Ֆակուլտետի լավագույն ուսանողները հնարավորություն ունեն արտերկրյա համալսարաններում իրականացնելու կարճաժամկետ և երկարաժամկետ ուսումնառություն և անցկացնելու մասնագիտական պրակտիկա: