Հարգելի՛ ուսանողներ և շրջանավարտներ
Սիրով հրավիրում ենք մասնակցելու Վ. Բրյուսովի անվան պետական համալսարանի Կարիերայի կենտրոնի տեղեկատվական օրվան, որը տեղի կունենա ս.թ. հոկտեմբերի 1-ին ժամը 12:00, ԲՊՀ նիստերի մեծ դահլիճում: Միջոցառման ընթացքում կծանոթանաք Կարիերայի կենտրոնի գործունեությանն ու հնարավորություններին, ինչպես նաև կիմանաք, թե ինչպես է կենտրոնը աջակցում ձեր կարիերայի աճին, մասնագիտական զարգացմանը և աշխատանքի տեղավորման գործընթացին:
Տեղեկատվական օրվա ընթացքում կենտրոնի մասնագետները կխոսեն վերապատրաստման հնարավորությունների, կամավորական և ինթերնշիփեր ծրագրերի, տեղական և միջազգային կրթական փոխանակման ծրագրերի, գործընկերների հետ իրականացվող նախագծերի մասին։ Կներկայացվեն նաև կենտրոնի կողմից առաջարկվող դասընթացները և միջոցառումները, որոնք ուղղված են ձեր մասնագիտական հմտությունների զարգացմանն ու հաջողությանը։
Միացեք մեզ և բացահայտեք ձեր կարիերայի նոր հնարավորությունները։
Վայրը՝ ԲՊՀ նիստերի մեծ դահլիճ
Օրն ու ժամը՝ հոկտեմբերի 1, ժամը 12:00
Լրացուցիչ տեղեկությունների համար կարող եք կապ հաստատել Կարիերայի կենտրոնի հետ:
Միջոցառումը բաց է բոլորի համար։
Սպասում ենք ձեզ:
