Բաց դռների օր/ ԵՊԼՀ-ն հրավիրում է հանդիպման ավագ դպրոցների ֆրանսերեն ուսումնասիրող աշակերտներին
04 Մարտ Երկ․
14:00
Ակադեմիական նվաճումների կենտրոն
+374 11 300 150
info@brusov.am

 

Ֆրանկոֆոնիայի շաբաթվա շրջանակներում Երևանի Վ. Բրյուսովի անվան պետական լեզվահասարակագիտական համալսարանը 2019 թվականի մարտի  4-ին իր դռները հյուրընկալորեն կբացի ավագ դպրոցների ֆրանսերեն ուսումնասիրող աշակերտների առջև ՝ հնարավորություն տալով այցելել համալսարան մասնագիտական կողմնորոշման կարևոր ընտրությունը կատարելուց առաջ:

Սիրելի՛ ապագա ուսանողներ,

Բաց դռների օրը բացառիկ հնարավորություն է՝ հանդիպելու համալսարանի բակալավրիական և մագիստրոսական բաժինների դասախոսներին և ուսանողներին, ծանոթանալու վերջիններիս ուսումնական ծրագրերին և ուսումնառության ու մասնագիտական իրացման նոր հնարավորություններին, որոնց մասին գուցե երբևէ չեք էլ մտածել: Բաց մի՛ թողեք լավագույն առիթը՝ բացահայտելու Վ. Բրյուսովի անվան համալսարանն ու նրա ջերմ ու աշխույժ մթնոլորտը:

Օրվա ընթացքում դուք կարող եք.

  • ծանոթանալ համալսարանի, մասնավորապես՝ Ռոմանական լեզուների ամբիոնի ֆրանսերենի բաժնի գործունեությանը,
  • այցելել Ֆրանկոֆոն հետազոտությունների միջհամալսարանական ակադեմիական նվաճումների

և Ֆրանկոֆոնիայի թվայնացված տեղեկատվական կենտրոններ և ծանոթանալ նրանց գործունեությանը,

  • հանդիպել համալսարանի դասախոսներին և ուսանողներին՝ ձեզ ուղղորդելու, խորհուրդ տալու, ձեր հարցերին պատասխանելու և իրենց փորձը ձեզ փոխանցելու համար,
  • մասնակցել ՖՀՄԱՆ կենտրոնի պատրաստած երաժշտական միջոցառմանը,
  • այցելել համալսարանի մասնաբաժիններն ու լաբորատորիաները ուղեկցորդ դասախոսի կամ ուսանողի գլխավորությամբ,
  • Կարիերայի կենտրոնի պատասխանատուները նույնպես կմասնակցեն հանդիպմանը՝ ձեզ հետ խոսելու անցյալ ուսումնառության, ապագա մասնագիտական կողմնորոշման, ուսումնական փորձաշրջանների և աշխատանքի հնարավորությունների մասին:

Ստորև ներկայացնում ենք Բաց դռների օրվա ծրագիրը.

Ժ. 14.00 - Աշակերտների դիմավորումը ԵՊԼՀ-ի առաջին հարկում /հասցեն՝ Թումանյան 42/:

Ժ. 14.10 – Համալսարանի, մասնավորապես՝ Ռոմանական լեզուների ամբիոնի ֆրանսիական բաժնի ներկայացումը Ակադեմիական նվաճումների կենտրոնում:

Ժ. 14.30 – Մասնակցություն կենտրոնի պատրաստած երաժշտական միջոցառմանը:

Ժ. 15.00 – Այցելություն ԵՊԼՀ-ի մասնաբաժիններ:

Հարգելի աշակերտներ, եթե պատրաստվում եք մասնակցել Բաց դռների օրվան, խնդրում ենք ձեր մասնակցությունը հաստատել Ակադեմիական նվաճումների կենտրոնի էլեկտրոնային հասցեով՝  center_cru@brusov.am: