Հարգելի՛ ուսանողներ և շրջանավարտներ, 

ԲՊՀ-ի Կարիերայի կենտրոնը ս. թ. մայիսի 17-ին՝ ժամը 13:30, նիստերի փոքր դահլիճում նախատեսում է կազմակերպել տեղեկատվական հանդիպում «Ցե-Կվադրատ Ամպեգա Ասեթ Մենեջմենթ Արմենիա» ընկերության հետ՝ «Կենսաթոշակը քո ձեռքում» իրազեկման արշավի շրջանակներում: Հանդիպման ընթացքում ուսանողներին և շրջանավարտներին կներկայացվեն Հայաստանում գործող կուտակային կենսաթոշակային համակարգը, ընկերության կողմից կառավարվող ֆոնդերը, ֆոնդերի պորտֆելներն ու եկամտաբերությունը: Հարց ու պատասխանի միջոցով կներկայացվի՝ ինչպես կարող են կենսաթոշակային համակարգի մասնակիցները կառավարել իրենց կենսաթոշակային հաշիվները: