Վերապատրաստման դասընթացներ Ճարտարապետության և շինարարության Հայաստանի ազգային համալսարանի վարչական աշխատակազմի և պրոֆեսորադասախոսական կազմի համար

Այսօր Ճարտարապետության և շինարարության Հայաստանի ազգային համալսարանում վարչական աշխատակազմի և պրոֆեսորադասախոսական կազմի 18 անդամներ ստացան անգլերենի իմացությունը հավաստող վկայականներ: Անգլերենի վերապատրաստման դասընթացները կազմակերպվել էին Երևան Վ.Բրյուսովի անվան լեզվահասարակագիտական համալսարանի կողմից և անցկացվել 2019թ.-ի ընթացքում երկու փուլով` /փետրվարի 15-ից հունիսի 10-ը և ապրիլի 10-ից հոկտեմբերի 30-ը/:

Վարչական աշխատակազմի համար անցկացվել էին միջին մակարդակի, իսկ տարբեր ֆակուլտետների պրոֆեսորադասախոսական կազմի համար՝ սկսնակ մակարդակի դասընթացներ, որոնց ավարտին մասնակիցները թեստավորվել էին, որպեսզի ստանան անգլերենի համապատասխան իմացությունը հավաստող վկայականներ:

Դիպլոմների հանձնմանը ներկա էին Ճարտարապետության և շինարարության Հայաստանի ազգային համալսարանոի ռեկտոր Գագիկ Գալստյանը, ուսումնական գծով պրոռեկտոր Արկադի Բարխուդարյանը, ռեկտոր առաջին տեղակալ Եղիազար Վարդանյանը: Երախտիքի առաջին խոսքն ուղղվեց Անգլերենի հաղորդակցման և թարգմանության ամբիոնի դասախոս Սիրանույշ Հովհաննիսյանին, ով ըստ մասնակիցների̀ հաջողությամբ հաղթահարել է «ուսանողների» ժամանակացույցի և գիտելիքի տարբեր մակարդակների հետ կապված դժվարությունները և «կարողացել ո՛չ միայն շահագրգռել դասընթացի մասնակիցներին, այլև՝ ապահովել նրանց ներկայությունն ու ակտիվ մասնակցությունը»: Երախտիքի հաջորդ խոսքն ուղղվեց Վ.Բրյուսովի անվան համալսարանի ղեկավարությանը. ռեկտոր Գագիկ Գալստյանը հույս հայտնեց, որ համագործակցությունը Վ.Բրյուսովի անվան համալսարանի հետ կշարունակվի և կընդլայնվի: Նա ողջունեց մասնակիցների դրվատանքի խոսքերը դասընթացների վերաբերյալ և ցանկություն հայտնեց լսելու նրանց կարծիքն ու պատկերացումները վերապատրաստմանն ուղղված հետագա ծրագրերի մասին: Դիպլոմներ ստանալիս մասնակիցներից շատերն իրենց շնորհակալությունը հայտնեցին անգլերենով:

«Մեզ ուրախացնում է, որ ՀՀ բուհերի հետ սկսված համագործակցությունը շարունակվում է: 2017-2018թթ.-ին մեր համալսարանը վերապատրաստումներ է իրականացրել Վազգեն Սարգսյանի անվան ռազմական համալսարանի և Արմենակ Խանփերյանցի անվան ռազմական ավիացիոն համալսարանների դասախոսական կազմի համար: Իսկ այսօր անգլերեն լեզվի դասընթացներ են իրականացվում Ճարտարապետության և շինարարության Հայաստանի ազգային համալսարանի աշխատակիցների համար: Առավել ուրախացնում է, որ համալսարանի «ուսանողները» ցանկանում են առաջիկայում ևս նման դասընթացներ անցնել և շարունակաբար զարգացնել իրենց լեզվական հմտությունները», նշում է ռեկտոր Կարինե Հարությունյանը:

Այն, որ 2000թ.-ից այս կողմ Վ.Բրյուսովի անվան համալսարանը ամենատարբեր ձևաչափերով համագործակցում է միջազգային շուրջ հինգ տասնյակ բարձրագույն ուսումնական համալսարանների հետ՝ իրականացնելով համագործակցության, միջազգային շարժունության, կարողությունների զարգացման, և կամ դասախոսների ներգրավման ծրագրեր, արդեն իսկ փաստ է: Նմանօրինակ համագործակցութունը հայաստանյան բուհերի հետ գալիս է համալրելու այդ շարքը և վկայում, որ  գիտելիքի և լեզվական կարողությունների զարգացման շարունակական անհրաժեշտությունն ու պահանջարկը կապահովի ցանկալի մրցունակությունը  աշխատաշուկայում:

______________________________

Ճարտարապետության և շինարարության Հայաստանի ազգային համալսարան

Անգլերեն լեզվի առաջանցիկ մակարդակի (B1(1)) վերապատրաստում անցած և վկայական ստացած վարչական աշխատակազմի ցուցակ

2019թ. փետրվարի 15-ից հունիսի 10-ը

Սողոմոնյան Արմինե
Խաչատրյան Արմինե
Սարգսյան Գրետա
Հախվերդյան Սոնա
Հակոբյան Տաթևիկ
Մեհրոյան Լիլիթ
Մատուլյան Գոհար
Սարգսյան Լիլիթ
Արտեմյան Անի

Դասընթացի տևողությունը՝ 64 ժամ:

Անգլերեն լեզվի սկսնակ մակարդակի (A1) վերապատրաստում անցած և վկայական ստացած պրոֆեսորադասախոսական կազմի ցուցակ

2019թ. ապրիլի 10-ից հոկտեմբերի 30-ը

Աբգարյան Կորյուն
Արշակունի Նարինե
Ասատրյան Հասմիկ
Աղաջանյան Հերմինե
Մանվելյան Զառա
Գալոյան Հռիփսիմե
Բարսեղյան Սուսաննա
Ավագյան Մարիամ
Կրոյան Սամվել

  • Նորություններ
  • Բուհական
  • Համագործակցություն
  • Միջազգային
  • Մեր մասին
  • Բոլորը

«Դիմակայուն հասարակության կառուցումը» թեմայով սեմինար՝ ԵՊԼՀ-ում

09.12.2019

Դեկտեմբերի 6-ին ԵՊԼՀ-ում Ֆիզիկական կուլտուրայի և քաղաքացիական պաշտպանության ամբիոնի հրավերով «Դիմակայուն հասարակության կառուցումը» թեմայով սեմինար-պարապմունք անցկացրեց փրկարարական ծառայության ...

Շնորհավորանքներ վաստակաշատ մանկավարժին

06.12.2019

Երեկ գիտական խորհուրդի կողմից Երևանի Վ.Բրյուսովի անվան պետական լեզվահասարակագիտական համալսարանի ռեկտոր Կ.Հարությունյանը 90-ամյա հոբելյանի կապակցությամբ շնորհավորեց Մանկավարժության և լեզուների դասավանդման ...

«Հիշողության փոխանցողները. հայկական սփյուռքն Արգենտինայում» խորագրով ...

06.12.2019

Դեկտեմբերի 5-ին Երևանի Վ. Բրյուսովի անվան պետական լեզվահասարակագիտական համալսարանի Արգենտինական կենտրոնում տեղի ունեցավ «Հիշողության փոխանցողները. հայկական սփյուռքն Արգենտինայում» խորագրով ...

«Состояние здоровья: медицинские, социальные и психолого-педагогические аспекты» ...

04.12.2019

«Состояние здоровья: медицинские, социальные и психолого-педагогические аспекты» խորագրով X գիտագործնական կոնֆերանսի շրջանակում օնլայն կլոր ...