Որպես հուշագրի նպատակ ընդգծվում է՝
«Համաձայն սույն Փոխըմբռնման հուշագրի՝ ԱՅ ԷՖ Ի ԷՍ-ի հայաստանյան մասնաճյուղը և Համալսարանները մտադիր են համագործակցել, որպեսզի մշակեն, իրականացնեն, մշտադիտարկեն և գնահատեն քաղաքացիական կրթության մի ծրագիր, որի նպատակն է դասավանդման նորարարական մոտեցման միջոցով ուսանողներին ներկայացնել ժողովրդավարական քաղաքացիության, լավ կառավարման, քաղաքացիական հասարակության, քաղաքացիական մասնակցության և մարդու իրավունքների հիմնարար սկզբունքները:
բ. Այս համագործակցության նպատակն է աջակցել Հայաստանում կրթության զարգացմանը «Ներգրավված քաղաքացի» քաղաքացիական կրթության դասընթացի միջոցով և այն գործողությունների միջոցով, որոնք ուղղված են ուսուցիչների և ուսանողների շրջանում Հայաստանում հասարակական կյանքի մասնակցության և քաղաքացիական պատասխանատվության վերաբերյալ իրազեկմանը և ուսուցման որակի բարելավմանը:
գ. Դասընթացը, որը ուսանողների համար հասանելի կլինի որպես ընտրովի կրեդիտային դասընթաց, բաղկացած կլինի Հայաստանի համատեքստին հարմարեցված քաղաքացիական կրթության թեմաներից: Կկիրառվեն լսարանային ինտերակտիվ ուսուցման մեթոդներ՝ որպես ընտրողների կրթության և քաղաքացիական իրազեկման ժամանակակից և ոչ ավանդական մոտեցումներ: Մասնակից ուսանողները նաև կներգարվվեն արտաուսումնական գործունեության մեջ՝ սոցիալական հիմնահարցերի վերաբերյալ իրազեկման բարձրացման համար, ինչպես նաև՝ հանրային ծառայության գործունեության մեջ, որն իրենց համայնքներում ունի չափելի ազդեցություն: