ԻՏԱԼԻԱՅԻ ՀԱՆՐԱՊԵՏՈՒԹՅԱՆ ԱՆԿԱԽՈՒԹՅԱՆ ՕՐՎԱՆ ՆՎԻՐՎԱԾ ՄԻՋՈՑԱՌՈՒՄ ԵՊԼՀ-ՈՒՄ

Հունիսի 1-ին Երևանի Վ. Բրյուսովի անվան պետական լեզվահասարակագիտական համալսարանի գրադարանի մասնաշենքի նիստերի դահլիճում տեղի ունեցավ Իտալիայի Հանրապետության անկախության օրվան նվիրված միջոցառում, որի շրջանակում ԵՊԼՀ-ում Եվրոպական կամավորական ծառայության (EVS) կամավոր Սիմոնա Մարչիան ներկաներին համառոտ ներկայացրեց Իտալիայում անկախության տոնի միջոցառումների ամենահետաքրքիր և ուշագրավ մանրամասները:

1946 թվականի հունիսի 2-ի հանրաքվեով Իտալիան հռչակվեց հանրապետություն և ամեն տարի հենց այդ օրը իտալացիները տոնում են իրենց անկախությունը: Սիմոնա Մարչիայի խոսքով՝ իտալացիները մի մասն այնքան էլ չի սիրում այս տոնակատարությունը, քանի որ դրա անցկացման վրա մեծ գումար է ծախսվում, սակայն հավելեց, որ դա չի նսեմացնում տոնի արժեքն ու կարևորությունն իտալացիների կյանքում:
Միջոցառման ավարտին Սիմոնան ներկաներին հրավիրեց հյուրասիրության ի նշան իտալացիների և հայերի բարեկամության:

ԻՏԱԼԻԱՅԻ ՀԱՆՐԱՊԵՏՈՒԹՅԱՆ ԱՆԿԱԽՈՒԹՅԱՆ ՕՐՎԱՆ ՆՎԻՐՎԱԾ ՄԻՋՈՑԱՌՈՒՄ ԵՊԼՀ-ՈՒՄ