Էրազմուս+ միջազգային կրեդիտային շարժունության ծրագրի շրջանակներում Վ. Բրյուսովի անվան պետական համալսարանի և և Զալցբուրգի Պարիս Լոդրոնի համալսարանի միջև ձևավորված արդյունավետ համագործակցությունը խոստումնալից սկիզբ ունի: Համաձայն երկու համալսարանների միջև կնքված պայմանագրի՝ ծավալվում է ակտիվ համագործակցություն դասախոսների և ուսանողների փոխադարձ այցելության, փորձի փոխանակման և հետագա համագործակցության նպատակով:

Հունիսի 13-17-ը Հայաստանում էր Զալցբուրգի համալսարանի Գերմանագիտության ինստիտուտի պրոֆեսոր Մարիա Դորնինգերը: Ավստրիացի դասախոսն Ավստրիական գրադարանում կարդաց դասախոսություն «Հայաստանը և հայի կերպարը Միջնադարի գերմանագիր ուխտագնացների պատմություններում» թեմայով: Տիկին Դորնինգերը ներկայացրեց Զալցբուրգի համալսարանի գերմանագիտության բաժինը, ուսումնական գործընթացը ու հետազոտական նախագծերը:

Բացի այդ, պրոֆ․ Դորնինգերը հանդիպումներ ունեցավ գերմաներենի ամբիոնի վարիչ Էլիզա Ղազարյանի, Ավստրիական գրադարանի ղեկավար Լիանա Սաֆարյանի, գերմաներենի ամբիոնի անձնակազմի և ԲՊՀ Արտաքին կապերի և միջազգային համագործակցության վարչության պետ Անի Հովհաննիսյանի հետ, որի ընթացքում աշխատանքային մթնոլորտում քննարկվեցին տարբեր մասնագիտական և հետագա համագործակցության հարցեր։

Տիկին Դորնինգերի հագեցած և բովանդակալից այցը երկու համալսարանների ուսանողների և դասախոսների միջազգային շարժունության շարունակականության ապահովման գրավականն է:

Հունիսի 13-17-ը ԲՊՀ-ում էր Զալցբուրգի համալսարանի Գերմանագիտության ինստիտուտի պրոֆեսոր Մարիա Դորնինգերը