Ողջույնի խոսքով հանդես եկան ԲՊՀ ռեկտոր Դ. Գյուրջինյանը և Հայաստանում Հունաստանի դեսպան Խ. Սոֆիանոպուլոսը՝ կարևորելով հունարենի դերը։ Մ. Մաշտոցի անվան հին ձեռագրերի գիտահետազոտական ինստիտուտի դոկտորներ Գոհար Մուրադյանը և Արամ Թոփչյանը ներկայացրեցին հունարենի պատմության կարևոր փաստերը և հունական գրականության' հին ու ժամանակակից հայերենով թարգմանությունները:

Ուսանողները ներկայացրեցին հույն բանաստեղծների գործեր՝ հնչյունավորելով հունական դասական երաժշտությամբ։ Ուսուցիչ Միխալիս Սերեպեցիսը հունարենով ասմունքեց Սիլվա Կապուտիկյանի «Խոսք իմ որդուն» բանաստեղծությունը՝ ընդգծելով մշակութային կապերի խորությունը։

Հունարենի համաշխարհային օրը ԲՊՀ-ում կդառնա ամենամյա ավանդույթ՝ ամրապնդելով հայ-հունական բարեկամությունը և նպաստելով լեզվամշակութային կապերի զարգացմանը։